कनकाई अनलाईन
खेल मैदानमै झगडा परेर स्थगित बनेको भएको कनकाई नगर वार्डस्तरीय फुटबल प्रतियोगिताको उपाधि वडा नम्बर ५ ले हात पारेको छ ।
गत दसैमा भएको खेलमा झगडा परेपछि स्थगित बनेको थियो । झगडा साम्य भएपछि शुक्रवार फाइनल खेल भएको हो । कनकाई नगरपालिकाको मातहतमा रहेको नगर खेलकुद विकास समितीले संचालन गरेको पहिलो प्रतियोगिता समेत झगडाको कारण रोक्नु परेको भन्दै खेल समिति आलोचित बनेको थियो ।
खेल स्थगित भएको झण्डै आधा बर्ष ढिला गरि प्रतियोगिता पुन संचालनमा आएको हो । फाइनल खेलको एकमात्र निर्णायक गोल वडानम्बर ५ का भीम मगरले खेलको १२ मिनेटमा गरे । उक्त गोल सगै वडा नम्बर ५ ले ५१ हजार रुपैँया पायो । उपबिजयी हुने वडा नम्बर ३ को टिमले नगद ३१ ह्जार रुपैँया पाएको थियो । खेलको म्यान अफ द म्याच गोलकर्ता भीम मगर हुदा प्रतियोगिताकै सर्वोकृष्ट खेलाडी वडा नम्बर ३ का सनम राई भए । प्रतियोगिहरुलाई कनकाई नगरका प्रमुख राजेन्द्र्रकुमार पोखरेल, उपप्रमुख मन्जु प्रसाईले पुरस्कार प्रदान गर्नुभयो । प्रतियोगिता गत असोज १७ गते सुरु भएर फागुन १३ गते सम्पन्न भएको हो । प्रतियोगिता कनकाई माविको खेल मैदानमा भएको हो ।
