लसुना।नेपाल–भारत सीमा नाका दिघलबैंकमा सर्वसाधारणको आवतजावतमा समस्या घट्नुको सट्टा बढ्दै गएको छ ।
भारत देखि प्रकाशित पत्रिका प्रभात खबरले सुक्रबारको अंकमा लेखेको छ।नेपाल र भारतबीच शताब्दीयौंदेखि रोटी बेटीको सम्बन्ध रहेको स्मरणीय छ । दुवै देशको संस्कृति, बोली र सभ्यता एउटै भएकाले दुवै देशका जनताबीच विवाहलगायतका धेरै सम्बन्ध शताब्दीयौंदेखि कायम छन् ।
यति मात्र होइन, सीमाका दुवै छेउका जनता एक अर्कामा निर्भर छन् । तर आजकल यी सम्बन्धको मिठास घट्दै गएको छ । किनभने नेपाली जनतालाई दिघलबैंक पुग्न निकै समस्या भइरहेको छ । सीमा सुरक्षामा तैनाथ एसएसबीले अत्यावश्यक वस्तु बोक्न रोकेपछि नेपाली आम नागरिक आक्रोशित भएका छन् । बिहीबार दिगलबैंक बजारमा घरायसी उपभोग्य वस्तु किन्न आएका नेपाली नागरिकलाई एसएसबीले चिनी, तेल, आलु, प्याज, मकैको बीउजस्ता घरेलु तथा कृषिजन्य वस्तु बोक्न समेत रोक लगाएको बताए । नेपाली नागरिक तेजनारायण उर्फ अटवारी, रामप्रसाद ठाकुर, सन्तोष गणेश,मो. कलाम शेखले सीमावर्ती क्षेत्रका नेपाली नागरिक सधैं किनमेलका लागि दिघलबैंक बजारमा आउने गरेको बताए ।
अहिले एसएसबीले निकै रोक लगाएको छ र खरिद गरेको सामान फिर्ता भइरहेको छ, यस्तो अवस्थामा सीमानाकाबाट फर्किएर सामान फिर्ता गर्न बाध्य छन् भने जिल्लाका अन्य चेकपोष्ट टेढागाछदेखि गलगलियासम्मको आवतजावतमा सहज रुपमा आवतजावत हुने गरेको छ ।सिर्फ दिघलबैंकमा मात्रै एसएसबीले छुट्टै नियम बनाएकाले जनतालाई समस्या परेको छ ।
प्रभात खबरका अनुसार यस सम्बन्धमा भारत नेपाल नागरिक एकता मञ्चका अध्यक्ष मणिशङ्कर चौधरीले यस किसिमको समस्याले जनता मर्कामा परेको बताए।हामीले पनि यसबारे जानकारी लिएका छौँ, छिट्टै एसएसबीका डीआईजी र गृह मन्त्रालयलाई पत्र पठाउने छौँ उनले भने।
‘सिमानामा तस्करलाई लगाम लगाइयोस। एसएसबीले सर्वसाधारणलाई हैरानी नगरोस चौधरीले भने ‘अत्यावश्यक वस्तु तथा घरायसी उपभोग्य वस्तुको खरिदमा रोक लगाउनु अत्यन्तै दु:खद र चिन्ताजनक छ।प्रभात खबरमा प्रकाशित समाचारलाई हामीले नेपालीमा अनुवाद गरेका हौ।
