सुरुङ्गा जेसीज-अध्यक्षमा महिला नेतृ सुष्मा


सुरुङ्गा-सुरुङ्गा जेसीज वर्ष २०२२ को अध्यक्षमा महिला नेतृ सुष्मा न्यौपाने उप्रेती सर्वसम्मत रुपमा चयन भएकी छन् ।

पछिल्लो समय महिलाको नेतृत्व सवल बन्दै आएपनि कोरोना संक्रमणसँगै सुस्त बनेको सुरुङ्गा जेसीजलाई नयाँ जोस जाँगरका साथ यसको उचाई कायम गर्ने कार्यमा महिला नेतृ नवनिर्वाचित अध्यक्ष उप्रेतीको भूमिका सफल रहने विश्वास गरिएको छ । स्थापना वर्ष २००८ देखि २०१५ सम्म पुरुषले नेतृत्व गरेको सुरुङ्गा जेसीजको शाख उच्च बनाउँन वर्ष २०१६ मा पहिलो पटक महिला नेतृ सामाजिक अभियन्ता सरला दहाल पोखरेलको नेतृत्व झापामै उत्कृष्ट बनेको थियो । त्यसपछिका केही वर्ष नयाँ योजनाका साथ रचनात्मक कार्यमा अघि बढ्न खोजेको सुरुङ्गा जेसीज कोरोना संक्रमणसँगै सुस्त बनेको थियो ।

सुरुङ्गा जेसीजको सभा हलमा बुधवार सम्पन्न स्थापना दिवस सहितको १४ औं बार्षिक साधारणसभाले उप्रेतीलाई सर्वसम्वत अध्यक्षमा निर्वाचित गरेको हो । जेसिज अभियानमा विभिन्न जिम्मेवारी सम्हाल्दै आएकी उप्रेती स्थानीय विभिन्न सामाजिक संघसंस्थामा समेत त्यत्तिक्कै क्रियाशिल रहेकी छन् ।

साधारण सभाले कार्यकारिणी उपाध्यक्ष द्वयमा मेनुका (उप्रेती) शिवाकोटी र दिपेन्द्र प्रधान साथै चारजना उपाध्यक्षहरुमा क्रमशः विवेक सिवाकोटी, रोहित कोइराला, पुष्पराज ढकाल र भीम राजवंशी चयन भएका छन् । त्यस्तै जनसम्पर्क अधिकारीमा खुश्बु पौडेल तिम्सिना निर्वाचित भएकी छन् । कानुनी सल्लाहकार, महासचिव लगायतका अन्य पदहरु नव निर्वाचित अध्यक्षले मनोनित गरी पदहस्तान्तरण कार्यक्रममा पूर्णता दिने बताइएको छ ।

सर्वसम्मत नेतृत्व चयनकालागि सुरुङ्गा जेसीजका निवर्तमान अध्यक्ष त्रिलोचन उप्रेतीको संयोजकत्वमा पुर्व अध्यक्ष द्वय जविन तिम्सिना र कमल कट्टेल सदस्य रहेको निर्वाचन समितिले भूमिका खेलेको थियो । साधारण सभाकै अवसरमा जेसीजले हरेक वर्ष गर्दै आएको उत्कृष्ट नागरिक सम्मान कार्यक्रमकालागि पूर्व अध्यक्ष कमल कट्टेलको संयोजकत्वमा पुर्व अध्यक्ष द्वय जविन तिम्सिना र त्रिलोचन उप्रेती सदस्य रहने गरी उत्कृष्ट नागरिक छनौट समिति गठन गरेको बताइएको छ ।

त्यस्तै समय सापेक्ष जेसीजको विधान संसोधन गर्नु पर्ने भएकाले सुरुङ्गा जेसीजका पूर्व अध्यक्ष कुमारमणि पोखरेलको संयोजकत्वमा पुर्व अध्यक्षहरु शिव कडेल र कमल कट्टेल साथै वर्ष २०२२ का अध्यक्ष र कानुनी सल्लाहकार पदेन सदस्य रहने गरीको पाँच सदस्यीय विधान मस्यौदा समिति समेत गठन गरिएको वर्ष २०२१ की महासचिव मेनुका उप्रेती शिवाकोटीले बताएकी छन् । सुरुङ्गा जेसीजले साधारण सभाकै अवसरमा यस अघि नै कार्यसमितिको बैठकले निर्णय गरेअनुसार २१ जना स्थानीय युवाहरुलाई नयाँ सदस्यता प्रदान गरेको छ ।

सुरुङ्गा जेसीजकी अध्यक्ष यदुका उप्रेती(उषा)को सभापतित्वमा सम्पन्न साधारण सभामा जेसीजका मानार्थ सदस्य श्याम पौडेल, पुर्व अध्यक्ष कुमारमणि पोखरेल, मोतिखर ओझा, शिव कडेल, सरला दहाल पोखरेल, जविन तिम्सिना, कमल कट्टेल निवर्तमान अध्यक्ष त्रिलोचन उप्रेती, संचारकर्मी एवम् जेसीजका पुर्व कार्यकारिणी उपाध्यक्ष राम निरौला लगायतले निर्वाचित कार्य समितिको कार्यकाल सफलताको कामना गरेका थिए ।

वर्ष २०२१ का कार्यकारिणी उपाध्यक्ष टिकाराम भण्डारी( सुदिप) ले स्वागत तथा सचिव चन्द्रकला ढकालले आस्थावाचन गरेको कार्यक्रममा जेसीज मिसन भिजन सारिका गिरीले प्रस्तुत गरेकी थिइन् । कार्यक्रमको सञ्चालन वर्ष २०२१ की महासचिव मेनुका उप्रेतीले गरेकी थिइन् ।


सम्बन्धित शीर्षकहरु

काठमाण्डौ -नेपाल सरकारले लिम्पियाधुरा, लिपुलेक र कालापानी नेपालको अभिन्न भूभाग भएको जनाएको छ । सरकारले महाकाली नदीपूर्वका लिम्पियाधुरा, कालापानी र…

झापा बिर्तामोडका जेनिस उप्रेती द भ्वाइस किड्सको उपाधि जित्दै पहिलो द भ्वाइस किड्स नेपाल बन्न सफल भएका छन् । हिमालय…

विर्तामोड। नेकपा एमाले झापाको खुल्ला भूगोलतर्फको १९ जना जिल्ला सदस्यका लागि भएको निर्वाचनमा देबेन्द्र चम्लागाई सर्वाधिक ३४५ मत पाएर बिजयी भएका…

प्रतिकृयाहरू