कनकाई अनलाईन
इलाका प्रहरी कार्यालय सुरुङ्गाको प्रहरी टोलीले एक भारतीय नागरिकलाई आज (बिहिवार ) ११ बजेतीर १२ ग्राम ब्राउन सुगरसहित पक्राउ गरेको छ ।
कनकाई नगरपालिका ३ स्थित सुरुङ्गा चौकमा भारतीय नम्बर प्लेटको डब्लुबि ६४ यु ८६०९ नम्बरको भारतीय मोटरसाईकलमा सवार भारत पश्चिमवंगाल दार्जिलिङ्ग घर भएका बर्ष ३५ का अनिल गोपे नामका व्याक्तिलाई इलाका प्रहरी कार्यालय सुरुङ्गाका प्रमुख प्रहरी निरिक्षक मानबहादुर जिम्बाको नेतृत्वमा रहेको प्रहरी टोलीले शंका लागि चेकजाँच गर्दा उनको साथबाट उक्त परिमाणाको लागुऔषध ब्राउन सुगर बरामद गरेको हो ।
पक्राउ गरिएका उनीलाई थप आवश्यक कार्वाहीका लागि म्याद थपका लागि जिल्ला अदातलमा पठाइएको प्रहरी नायव निरिक्षक जिम्बाले बताउँनुभयो । उनी सवार मोटरसाईकल सहित उनलाई प्रहरीले नियन्त्रणमा लिएको हो ।
