कनकाई अनलाईन
माओवादी केन्द्र कनकाईका पुर्व संयोजक तथा हालका जिल्ला सदस्य समेत रहेका चन्द्रमान कन्दङवाको पार्टीका तर्फबाट अन्तिम विदाई गरिएको छ ।
आज कनकाई नगरपालिका ४ कोटीहोमस्थित कनकाई सामुदायिक वन समुहभित्र कन्दङवालाई जातिय धर्म परम्पराअनुसार अन्तिम विदाई गरिइएको हो । कन्दङवालाई नेकपा माओवादी नेता तथा प्रदेश सांसद झलकसिंह दर्लामी शन्देश, पार्टीका प्रदेश उपाध्यक्ष मणिकुमार साम्पाङ बिजय, पार्टीका प्रदेश कमिटी सदस्य गोपाल प्रसाई, कनकाई नगर अध्यक्ष यामना सेडाई,उपाध्यक्ष रामकुमार थापा, सचिव विष्णु बिमली लगायातले पार्टीको झण्डा ओडाएका थिए ।
श्रद्धाञ्जलि कार्यक्रममा पार्टीका प्रदेश, जिल्ला तथा नगरका कार्यकर्ताको सहभागिता रहेको थियो । स्वर्गिय चन्द्रमान कन्दङवाको श्रीमती र चार छोरा र बुहारीहरु रहेका छन । उहाँ गत स्थानीय निर्वाचनमा माओवादी केन्द्रबाट कनकाई नगरपालिका ७ बाट वडाअध्यक्षको उम्मेद्धार भई लोकप्रिय मत समेत प्राप्त गर्नुभएको थियो ।
