कनकाई अनलाईन
झापामा मोटरसाईकल चोरी गरेर लैजादा लैजादै गर्दा एक व्याक्ति रङ्गेहात प्रहरीको फन्दामा परेका छन ।
मंगलवार राती ईलाम रोङ गाउँपालिका ३ कुटीडाँडाका रोहित राईको घरमा रहेको मे ९ प ५२१० नम्बरको कालो कलरको १५० सिसिको पल्सर मोटरसाईकल घरमै पार्किङ स्लबाटै हराइको सुचना पाउनसाथ प्रहरीले खोजी कार्यलाई तत्कालै तीव्र बनाएको थियो ।
प्रहरीले झापा र इलामका सवै प्रहरी युनिटहरुलाई प्रयोग गरि व्यापक खोजी गर्दा बुधवार बिहान साढे ९ बजे झापा बुद्धशान्ति गाउँपालिका ३ स्थित बुद्धचौकमा इलाका प्रहरी कार्यालय बुद्धशान्तिको प्रहरी टोलीले इलाम पशुपतिनगर ३ बस्ने २५ बर्षिय पासाङ तामाङलाई उक्त मोटरसाईकल डोर्याई रहेको अवस्थामा पक्राउ गरेको हो ।
हाल उक्त मोटरसाईकल र तामाङलाई आवश्यक कार्वाहीका लागि जिल्ला प्रहरी कार्यालय इलाम पठाइसकिएको जिल्ला प्रहरी कार्यालय झापाले जनाएको छ ।
यसअघि समेत इलाका प्रहरी कार्यालय अनारमनी झापाले झापाका विभिन्न स्थानबाट मोटरसाईकल चोरीमा संग्लन ३ जनालाई उनीहरुले चोरी गरेको दुई थान मोटरसाईकल सहित पक्राउ गरेको थियो ।
