कार्तिक २५ देखि बिर्तामोडमा गोल्डकप हुदै


कनकाई अनलाईन
रोजगारीको शिलसिलमा खाडी मुलुक साउदी अरब गएका नेपालीहरुको समुह साउदी अरेयिबा भेट्रान क्लवले बिर्तामोडमा फुटबल प्र्रतियोगिता गर्ने भएको छ ।


आगामी कार्तिक २५ गतेदेखि मंसिर १ गतेसम्म बिर्तामोड नगरपालिका २ स्थित वीर अमरसिंह माविको खेल मैदानमा हुने तेस्रो साउदी अरब गोल्ड कपमा नेपालका विभिन्न ८ टिमको सहभागिता रहने आयोजक साउदी अरब भेट्रान क्लवका अध्यक्ष जय राईले आज चारपानेमा पत्रकार सम्मेलनको आयोजना गरि जानकारी दिनुभयो ।
प्रतियोगितामा प्रथम हुने टिमले नगद १ लाख १ हजार १११ र दोस्रो हुने टिमले ५१ हजार १११ रुपैया पाउने छ । प्रतियोगितामा चर्च बोइज काठमाण्डौ, रेडहर्स इलाम, धरान, रेड स्टार बिर्तामोड, आयोजक, जलथल एफसी झापा, दुधौली स्पोटर्स सिन्धुली र एकता स्पोटिङ्ग क्लव चारपानेको सहभागिता रहने आयोजक समितिले जनाएको छ ।
प्रतियोगितामा १० लाख रुपैँया लाग्ने र यसका लागि आधा रकम साउदीमा बस्ने नेपालीले सहयोग गर्ने र वाकी रकम स्थानीय संघसंस्था र सहयोगीहरुबाट संकलन गरिने अध्यक्ष राईले बताउँनुभयो ।
सन २००३ मा देशका विभिन्न स्थानबाट रोजगारीका शिलशिलामा साउदी अरब पुगेका नेपालीहरुको समुहले स्थापना गरेको यस क्लवले नेपाल तथा साउदीमा समेत विभिन्न सामाजिक गतिविधि र खेल प्रतियोगिता गर्दै आएको छ ।
पत्रकार सम्मेलनमा बिर्तामोड नगरपालिका २ का वार्डसदस्य किशोरकुमार पौडयाल, समाजसेवी मदनगोपाल सुब्बा, देवि खरेल, सुर्य लिम्बु, धर्म लक्सम लगायातको आथित्यता रहेको थियो ।
यस अघि साउदी अरेबियामा माउष्ट एभरेष्ट क्लवका नाममा र रियाद ११ बाट फुटबल खेल खेल्दै खेलाउदै आएको यस क्लवलाई झापामा भने साउदी अरब भेट्रान क्लवका नामबाट सामाजिक र खेलकुद गतिविधि गर्दै आएको छ ।

क्लवले प्रदेश नम्बर एक भरीनै विभिन्न गतिविधि गर्ने र यसअघिका दुई संस्करण भने जलथलमा गराएको अध्यक्ष राईले बताउँनुभयो ।


सम्बन्धित शीर्षकहरु

काठमाडौ : नेपालमा पनि ओमिक्रोन भेरिअन्टबाट सङ्क्रमित दुई व्यक्ति भेटिएको स्वास्थ्य तथा जनसंख्या मन्त्रालयले पुष्टि गरेको छ। सोमवार मन्त्रालयले आयोजना…

केशब चापागाईंमदरगाछ,मंसिर २०।झापा गाउँपालिकामा जारी अन्तरपालिका स्तरीय अध्यक्ष कप क्रिकेट प्रतियोगितामा बाह्रदशी गाउँपालिकाले कनकाई नगरपालिकालाई पराजित गर्दै अन्तिम चारमा स्थान…

सुरुङ्गा,मंसिर १९।झापाको दमक नगरपालिकामा प्रधान कार्यालय रहेको मेची बहुउद्देश्यीय सहकारी संस्थाले साखा विस्तार गर्ने क्रममा कनकाई नगरपालिकामा सेवा कार्यालय स्थापना…

प्रतिकृयाहरू