कनकाई अनलाईन
झापाको दुधेमा हुने प्रथम दिलमाया कप फुटबल प्रतियोगिताको लागि कनकाई नगरपालिकाबाट ४ र ५ नम्बर वार्डका खेलाडीहरु छनौट भएका छन ।
आज सम्पन्न खेलमा वडा नम्बर ६ लाई वडा नम्बर ४ ले २–१ गोल अन्तरले पराजित गर्दै उत्कृष्ट ८ भित्र पर्न सफ लबनेको छ ।
वार्ड नम्बर ४ का लागि आशिस खनान र प्रवेश राईले एक एक गोल गर्नुभयो भने वडा नम्बर ६ ले एक गोल उपहारमा पाएको थियो । वडा नम्बर ४ का खेलाडी हेमन्त मगरले वचाउने क्रममा आफ्नै गोल पोस्टमा गोल छिराउनुभएको थियो ।
बिजयी सबै खेलाडीहरुलाई आयोजक नेपाल खेलकुद महासंघ झापाका अध्यक्ष भवानी वराल , कनकाई नगरपालिका ४ का वडाअध्यक्ष गोविन्द पौडयाल लगायातले अबिर लगाएर विदाई गर्नुभएको थियो ।
कनकाई का दुई टिमले दिलमाया स्मृति कपमा कनकाई नगरपालिकाको तर्फबाट प्रतिनिधित्व गर्ने आयोजक समिति कनकाईका सहसंयोजक गोविन्द सुवेदीले बताउँनुभयो ।
झापा गाउँपालिकाबाट समेत वार्डनम्बर ६ र ७ नम्बर छनौट भएको झापा गाउँपालिकाका खेल संयोजक सनित राईले बताउँनुभयो ।
माननीय सांसद एलपी साँबा लिम्बुको ममतामयी माताको स्मृतिमा हुने झापा क्षेत्र नम्बर ४ स्तरीय प्रतियोगितामा यस क्षेत्रका २८ टिमबाट छनौट भएका ८ टिमको सहभागिता रहने छ ।
