कनकाई अनलाईन
दिलमाया स्मृति कप २०७८ को कनकाई नगरपालिकाको छनौट खेलमा वार्ड नम्बर ६ ले बिजयी सुरुवात गरेको छ । आज भएको खेलमा कनकाई ३ लाई ट्राईब्रेकरमा हराउदै ६ ले जित निकालेको हो ।
हिजो मंगलवार भएको उदघाटन खेल बराबरीमा रोकिएपछि खेल मैदान अध्यारो भएकोले खेल रेफ्रीले आज बुधवारका लागि खेल सारेका थिए । आज भएको खेलमा दुबै टिमको बराबरी एक एक गोल भएपछि खेल ट्राईब्रेकरमा गएको हो । ट्राई ब्रेकरमा कनकाई ६ को टिम २– ४ गोल अन्तरले बिजयी भएको हो ।
खेलमा कनकाई ३ का मनिस राई र ६ का तर्फबाट बुद्धिविर तामाङ्गले गोल गरेका थिए ।
यसैगरि आज –बुधवार भएको दोस्रो खेल वार्ड नम्बर ७ र ५ बिच भएको थियो । सो खेल समेत समय अवधिसम्म गोल रहित बराबरीमा रोकिएपछि भोली पुन बिहान ८ बजे पुन खेल संचालन गरिने निर्णय गरिएको आयोजक दिलमाया स्मृति कप कनकाईका सहसंयोजक गोविन्द सुवेदीले बताउँनुभयो ।
कनकाई नगरपालिकाका ७ वडाको खेल कनकाई माविको खेल मैदानमा भइरहेको छ ।
झापा क्षेत्र नम्बर ४ का माननीय सांसद एलपी साँबा लिम्बुकी ममतामयी माताको स्मृतिमा यस क्षेत्र नम्बर ४ भरका २८ टिमको सहभागितामा नेपाल खेलकुद महासंको आयोजनामा मंगलवारबाट दिलमाया स्मृति कप फुलटल प्रतियोगिता सुरु गरिएको हो । प्रतियोगिताका उत्कृष्ट प्रथम र दोस्रो हुने टिमलाई नगद २ लाख २५ हजार र १ लाख २५ हजार रुपैँया पाउने खेल मुल आयोजक समितिका संयोजक सुनिल भेटवालले बताउँनुभयो ।
