कनकाई अनलाईन
गुरु पुर्णिमाको अवशर पारेर लियो क्लव अफ कनकाई सुरुङ्गाले आफ्ना अग्रज गुरुलाई सम्मान गरेको छ ।
क्लवका अध्यक्ष योगेश बस्नेतको सभापतित्वमा क्वीन प्यालेस सुरुङ्गामा भएको कार्यक्रममा कार्यक्रममा लायन्स क्लव कनकाई सुरुङ्गाका संस्थापक अध्यक्ष लीलाप्रसाद चिमरियालाई लियो क्लवका अध्यक्ष योगेश बस्नेतले खादा र सम्मानपत्र मायाको चिनो सहित सम्मान गरेका छन । लियोले लियोका संस्थापक अध्यक्ष पंकज खड्का,लायन्सका निर्वतमान अध्यक्ष मनोज बस्नेत, पुर्व अध्यक्ष रुपनारायण खतिवडा र लियोका संस्थापक सल्लाहकार संजय गजुरेल र लायन्सका अध्यक्ष साजन थापालाई सम्मान गरेको हो ।
सम्मानित सबैलाई आफुहरुको समाज सेवाको पदप्रदर्शकका रुपमा सम्मान गरिएको लियोका सचिव तथा संचारकर्मी अनुप भण्डारीले बताउँनुभयो ।
कार्यक्रममा बोल्दै प्रमुख अतिथि लायन्सका संस्थापक अध्यक्ष लीलाप्रसाद चिमरियाले गुरुहरुप्रति दिनानुदिन सम्मान गर्ने र गुरुको कुरा अनुकरण गर्ने प्रचलन हराउदै गएको वेला लियो क्लवले सबैले अनुकरण गर्ने काम गरेर सबैले सिक्नै पर्ने काम गरेको बताउँनुभयो ।
कार्यक्रममा बोल्दै पत्रकार महासंघ प्रदेश समिति सदस्य लीलाराज झापालीले लियो क्लवको कार्यले सबैलाई राम्रो शिक्षा दिन सफल भएको बताउँनुभयो ।
कार्यक्रमममा सम्मानित व्याक्तित्वहरु रुपनारायण खतिवडा, मनोज बस्नेत, संजय गजुरेल, लियोका पुर्वअध्यक्षहरु बिजय पाठक,रविन गुप्ता लगायातले लियोको कार्यले सबैका लागि अनुकरणीय बनेको बताउँनुभयो । कार्यक्रमको स्वागत लियोका उपाध्यक्ष जेनिश ओलीले गर्नुभएको थियो । सोही अवशरमा लियो सरोज ठाकुरलाई लियो अफ द मन्थका रुपमा सम्मान गरिएको थियो ।
