कनकाई अनलाईन
रातो पोष्ट साप्ताहिक पत्रिकाको प्रधान सम्पादकमा दिलिप थापा नियुक्त हुनु भएको छ ।
रातो पोष्ट मिडिया प्रालिद्वारा सञ्चालित रातो पोष्ट साप्ताहिक एवम् डिजिटल पत्रिका रातो पोष्ट डटकमको प्रधान सम्पादकमा थापा चयन हुनु भएको हो ।
आइतबार रातो पोष्ट मिडिया प्रालिको कार्यालयमा बसेको सञ्चालक समितिको बैठकले पत्रकार थापालाई प्रधान सम्पादकमा तथा अर्का पत्रकार प्रविन अधिकारीलाई सम्पादकमा नियुक्ति गरेको सञ्चालक समिति अध्यक्ष गणेशकुमार मगरले बताउनु भयो ।
प्रधान सम्पादक थापा यस अघि पनि सम्पादकको जिम्मेवारीमा हुनुहुन्थ्यो । थापा रातो पोष्ट मिडिया प्रालिका सञ्चालक समिति सदस्य समेत हुनुहुन्छ ।
रातो पोष्ट साप्ताहिकले बिगत दुई वर्ष देखि अनवरत अनलाइन र साप्ताहिक पत्रिकाको माध्यमबाट जनतालाई सुचुचित गर्दै आएको छ । थापा लामो समयदेखि आवाज विहीनहरुको पक्षमा कलमको माध्यमबाट आवाज उठाउदै आउनुभएको छ ।
