कनकाई अनलाईन
कनकाई नगरपालिकाद्धारा स्थापना गर्न लागिएको अक्सिजन प्लान्टका लागि कनकाई माविको भुतपुर्व विद्यार्थी समाज २०३६ बाट नगद १ लाख ५० हजार ७५५ रुपैँया आर्थिक सहयोग भएको छ ।
यो ब्याज कनकाई माविको संस्थापक ब्याज र कनकाई नगरप्रमुख राजेन्द्रकुमार पोखरेलको समेत ब्याज हो ।
उक्त रकम ब्याजका डिल्ली सिटौला,विष्णु मैनाली, तुलसी नेपाल, दिनेश उप्रेती, टिका पाठक, सोभा भण्डारी, रुद्र बोहोरा, उपेन्द्र अधिकारी लगायातले संकलन गरि नगरप्रमुख पोखरेललाई हस्तानतरण गर्नुभयो ।
कनकाई नगरपालिकाद्धारा नागरिकको सहयोगबाटै सुरु गर्न लागिरहेको अक्सिजन प्लान्टमा सहयोग आउनेक्रम जारी रहेको कनकाई नगरपालिकाका बिजय पाठकले कनकाई अनलाईनलाई जानकारी दिनुभयो ।
कनकाई अक्सिजन प्लान्ट निर्माणका लागि कनकाई अनलाईन तथा कनकाई साप्ताहिकले समेत सुरुवाती समयदेखि अभियान संचालन गर्दै सहयोगी हातहरुलाई आव्हान गरिरहेको छ ।