कनकाई अनलाईन
कनकाई नगरपालिकाद्धारा स्थापना गर्न लागिएको अक्सिजन प्लान्टका लागि सभारम्भ सर्भिस ट्रेडर्स बिर्तामोड नगरपालिकाका संस्थापक अध्यक्ष सोवित प्रसाईले नगद ५० हजार रुपैँया सहयोग गर्नुभएको छ ।
कनकाई ३ निवासी प्रसाईले आफ्नी स्वर्गिय माता मधुमाया प्रसाई र काशीनाथ प्रसाईको स्मृतिमा उक्त रकम प्रदान गर्नुभएको हो । रकम कनकाई नगरपालिकाका प्रमुख राजेन्द्रप्रसाद पोखरेललाई प्रदान गर्नुभएको हो ।
सुभारम्भ सर्भिस लामो समयदेखि अक्सिजन सिलिण्डर र ग्यासको क्षेत्रमा काम गर्दै आएको छ ।
कनकाई नगरपालिकाद्धारा कनकाई नगर अस्पतालमा संचालनमा आउन लागेको अक्सिजन प्लान्टका लागि २ करोड रुपैँया लाग्ने कनकाई नगरपालिकाका प्रमुख राजेन्द्रकुमार पोखरेलले बताउँनुभयो ।
कनकाई नगर अस्पतालमा स्थापना हुन लागेको अक्सिजन प्लान्टका लागि कनकाई नगरपालिकाका प्रमुख राजेन्द्रकुमार पोखरेलले नगद १० लाख रुपैँया सहयोग गरिसक्नुभएको छ , २ करोड लागतमा बन्न लागेको अक्सिजन प्लान्टका लागि नेपाल बैंक सुरुङ्गा शाखा, कनकाई नगरपालिका प्रकोप व्यवस्थापन कोष खाता, खाता नम्बर—१४७०३०००००७००२०००००१ मा समेत रकम जम्मा गर्न सक्ने नगरप्रमुख पोखरेलले बताउँनुभएको छ ।
