कनकाई अनलाईन
च्याउ खोज्न एकाविहानै रतुवामाई वृक्षारोपण बन क्षेत्रमा गएका झापाको कमल गाउँपालिका वडा नं. ३ का ४४ वर्षीय जितबहादुर लिम्बुको जङ्गली हात्तीको आक्रमणमा मृत्यु भएको छ ।
जिल्ला प्रहरी कार्यालय झापाका सूचना अधिकारी राकेश थापाका अनुसार विहान ५ बजे हात्तीले आक्रमण गर्दा घटनास्थलमै लिम्बुको मृत्यु भएको हो ।
च्याउ खोज्न गएका स्थानीयबासीले घटनाको खबर दिएपछि केरखा प्रहरी चौकीबाट प्रहरीको टोली घटनास्थलमा पुगिसकेको र हाल शब घटनास्थलमै रहेको सूचना अधिकारी थापाले जानकारी दिए ।
