शरणामती,बैशाख २४।झापा गाउँपालिकामा आज एकै दिनमा १० जना कोरोना संक्रमित थपिएका छन।२१ जनामा गरिएको एन्टिजेन परिक्षणमा १० जनाको रिपोर्ट पोजेटिभ आएको हो।
झापा गाउँपालिका-६ शरणामती बजारका एकै परिवारका ४ जना र आदर्शटोलका ५ जना त्यस्तै गाउँपालिकाका १ कर्मचारीमा कोरोना संक्रमण पोजेटिभ देखिएको सिआईसिटी टिमका संयोजक श्याम कुमार न्यौपानेले कनकाई अनलाइनलाई जानकारी दिनु भयो।
कोरोना संक्रमणको दोस्रो लहरमा झापा गाउँपालिकामा अहिलेसम्म नयाँ भेरियन्टका संक्रमितको संख्या ३९ पुगेको छ।२ जना संक्रमितको मृत्यु भईसकेको स्वास्थ्य साखा प्रमुख लक्ष्मण बिश्वकर्माले बताउनु भयो।
