कनकाई अनलाईन
सुरुङ्गाको कनकाई माविको खेल मैदानमा भइरहेको प्रथम सुरुङ्गा भेट्रान कप फुटबलको उपाधिका लागि सुनसरीको इटरही र सुरुङ्गाको भेट्रान क्लवविच उपाधि रक्षाका लागि आमने सामने हुने भएका छन ।
आज ४ बजेदेखि हुने उपाधि भीडन्तमा सुरङ्गाको कलेक्शन टिम र पाहुना टोली इटहरीबिचको बिजेताले नगद १ लाख १ हजार सहित ट्रफि पाउने खेल संयोजक रमेशचन्द्र मैनालीले बताउँनुभयो । दोस्रो हुने टिम भने आधा रकममै चित्त बुझाउने छ । गत शनिवारदेखि भइरहेको प्रतियोगितामा कोरोना कहरको कुनै प्रवाह नगरि उल्लेख्य दर्शकको जमघट देख्न सकिन्छ । सरकारले २५ जना भन्दा वढी सहभागि नहुनु भनेर उर्दी जारी गरेपनि उर्दी जारी गर्नु पूर्वनै प्रतियोगिताका प्रचार प्रसार गरिसकिएकोले प्रतियोगिताको आयोजना गरिएको आयोजकको दावी छ । प्रतियोगिताको अतिथिकै रुपमा भने कुनै सरकारी कर्मचारी वा जनप्रतिनिधिनै आउछन या आउदैनन यो भने आजको ३ बजेसम्म कुर्नुपर्ने छ । यद्यपि कनकाई फुटबलको दर्शकका लागि फुटबल हव मानिने कनकाईको चौरीमा दर्शकको भने कुनै कमि नहुने आयोजकको दावी छ ।
