कनकाई अनलाईन
बैशाक ६, कनकाई नगरपालिका ३ मा अवस्थित श्री जनचेतना आधारभूत विद्यालयमा शिक्षक अविभावक संघको अध्यक्षमा लक्ष्मी प्रसाद भेटुवाल निर्विरोध निर्वाचित भएका छन् । शिक्षा नियमावली अनुसार हरेक विद्यालयमा शिक्षक अविभावक संघ गठन हुने प्रावधान छ । आम अविभावक भेलाले सबै सदस्यहरु निर्विरोध चयन गरेको छ । अन्य सदस्यहरुमा कुल प्रसाद शिवाकोटी, अम्बिका मैनाली, सरस्वती ढकाल, समिर लकान्द्री, चन्द्रकला पौडेल, हर्कमाया लुइटेल, अनिता ढकाल, शिक्षक प्रतिनिधी कमला पौडेल रहेका छन् भने वि.व्य.स. अध्यक्ष र प्रधानाध्यापक पदेन सदस्य गरि जम्मा ११ जना निर्विरोध निर्वाचित भएका हुन । जसको पदावली २ वर्षको हुनेछ । पुरानो समितिको म्याद फागुनमा नै सकिएको हुदा आज आम अविभावक भेलाद्धारा समिति गठन गरिएको हो ।
यसै अवसरमा एनसिका एजुकेशन वेलफेयर फाउण्डेसनद्धारा प्राप्त यस विद्यालयको ४ जना विद्यार्थीहरुलाई दिइने छात्रवुति पनि वितरण गरिएको थियो । उक्त फाउण्डेसनले यी विद्यार्थीहरुलाई प्रत्येक ३।३ महिनामा विद्यालयलाई रकम जम्मा गरिदिने र विद्यालयले विद्यार्थीहरुलाई आवश्यक सामग्री खरिद गरेर दिइने सम्झौता गरिएको छ । यो पहिलो किस्ताको रकमबाट विद्यालयले ४ विद्यार्थीहरुलाई कपडा र स्टेशनरीका सामग्री वितरण गरेको थियो ।
विद्यालय व्यवस्थापन समितिका अध्यक्ष टिका प्रसाद लामिछानेको अध्यक्षतामा सम्पन्न उक्त कार्यक्रममा शिक्षक कमला पौडेलले स्वागत मन्तव्य गर्नुभएको थियो भने प्रधानाध्यापक होमकुमारी कुमालले कार्यक्रम संचालन गर्नुभएको थियो ।