कनकाई भेट्रान कपमा आयोजकको विजयी सुरुवात


कनकाई अनलाईन
सुरुङ्गा । झापाको सुरुङ्गामा आयोजित कनकाई भेट्रान कप फुटबल प्रतियोगितामा आयोजक कनकाई भेट्रान क्लबले विजयी सुरुवात गरेको छ । जीतसँगै आयोजक सेमिफाइनलमा प्रवेश गरेको छ ।


कनकाई माविको खेलमैदानमा शनिबारदेखि सुरु प्रतियोगितामा आयोजकले ३–० गोलअन्तरले भद्रपुर भेट्रान क्लबलाई पराजित गरेको हो । आयोजकका लागि तीन वटै गोल दोस्रो हाफमा सम्भव भएको थियो ।
प्रतिस्पर्धात्मक खेलमा आयोजकका लागि पहिलो गोल भुपेन लिम्बूले खेलको ४७औँ मिनेटमा गोल गरेका थिए । त्यस्तै, रमेश बाँस्तोलाले ५८औँ र नरेन्द्रमणि लिम्बूले ७३औँ मिनेटमा गोल गरेर टिमका लागि जीत सुनिश्चित गरे ।
खेलको म्यान अफ दी म्याच पहिलो गोलकर्ता भुपेन लिम्बू घोषित भए । उनलाई युवा व्यवसायी श्याम प्रसाईले नगद २ हजार प्रदान गरे । उनको खेल मन पराएर स्थानीय खेलप्रेमी लय उप्रेतीले पनि नगद ५ सय पुरस्कार प्रदान गरे ।
कनकाई भेट्रान क्लबको आयोजनामा भएको प्रतियोगितामा ८ वटा टिम सहभागी छन् । आइतबार हाम्रो इटहरी भेट्रान क्लब र बिर्तामोड भेट्रान क्लबबीच खेल हुनेछ ।
प्रतियोगिताको विजेताले नगद १ लाख १ हजार पाउँदा उपविजेताले नगद ६१ हजार र ट्रफी पाउनेछ ।
प्रतियोगिताको उद्घाटन नेपाल विद्युत् प्राधिकरणका पूर्व कार्यकारी निर्देशक कुलमान घिसिङले गरेका थिए । क्लबका अध्यक्ष राजेन्द्र खतिवडाको अध्यक्षतामा भएको कार्यक्रममा कनकाई नगरपालिकाका मेयर राजेन्द्र पोख्रेल, ३ नम्बर वडाध्यक्ष रुद्रप्रसाद चिमरिया र कनकाई खेलकुद प्रतिष्ठानका अध्यक्ष दिनानाथ खतिवडाले मन्तव्य राखेका थिए ।


सम्बन्धित शीर्षकहरु

झापा,जेठ ३।झापाको मेचिनगर नगरपालिका स्थित रोट्रयाक्ट क्लब अफ ईटाभट्टा म्युनिसिपल र बैंक अफ काठमाण्डौको बिर्तामोड साखाले सुरक्षाकर्मीलाई स्वास्थ्य सामग्री प्रदान…

कनकाई अनलाईनकनकाई नगरपालिकामा कोरोना संक्रमितका लागि आइशुलेशन भवन बनाइएपनि आवश्यक अक्सिजन नहुदा संचालननमा समस्या भइरहेको बेला भुतपूर्व विद्यार्थी समाज कनकाई…

कनकाई अनलाईनअर्जुनधारा नगरपालिकाका प्रमुख प्रशासकीय अधिकृत महेन्द्रकुमार खाम्याहाङको कोरोना संक्रमण्का कारण सोमवार मृत्यु भएको छ । प्रमुख प्रशासकिय अधिकृतको २०…

प्रतिकृयाहरू