जिल्ला स्तरीय फुटबल प्रतियोगिताको उपाधि बिर्तामोड युनाइटेड क्लबको पोल्टामा


कनकाई अनलाइन

बिर्तामोड, वैशाख ३ गते । झापाको बिर्तामोड नगरपालिका बुट्टवारीमा भएको जिल्ला स्तरीय फुटबल प्रतियोगिताको उपाधि बिर्तामोड युनाइटेड क्लबले जितेको छ ।आयोजक बुट्टाबारी युनाइटेड क्लबलाई हराउँदै बिर्तामोड युनाइटेड क्लबले फुटबल प्रतियोगिताको उपाधि जित्दै नगद ५५ हजार नगद पाएको छ । उपबिजयी बनेको बुट्टवारीले नगद ३३ हजार रुपैँया पाएको छ

बिहीबार सम्पन्न फाइनल खेलमा बिर्तामोडले बुट्टबारीबिरुद्ध ४–२ को जित निकाल्दै उपाधि आफ्नो पोल्टामा पारेको हो । पहिलो हाफ १–१ को बराबरीमा सकिए पनि दोस्रो हाफमा बिर्तामोडले थप दुई गोल गर्दै जित निश्चित गरेको थियो । खेलको १९ औँ मिनेटमा बिर्तामोडमा सूर्य टुडुले गोल गर्दै अग्रता दिलाए पनि ३१ औँ मिनेटमा बुट्टाबारीमा बबिन बोहोराले गोल फर्काउँदै खेल बराबरीमा ल्याएका थिए । खेलको ४८ औँ मिनेटमा बिर्तामोडका आशिष चापागाईंले गोल गर्दै नतिजा २–१ मा पुर्याए । बुट्टाबारी खेलमा फर्कने कोसिस गरे पनि उपाधि रक्षा गर्न भने सकेन ।

५४ औँ मिनेटमा बिर्तामोडका प्रशान्त लक्समले आफ्नो टिमका लागि तेस्रो गोल गरे ।बुट्टाबारीका बबिनले ७४ औँ मिनेटमा टिमका लागि तथा व्यक्तिगत दोस्रो गोल गर्दै खेलमा फर्कने प्रयास गरेका थिए । तर, त्यसको ४ मिनेटपछि बिर्तामोडका विक्रम तामाङले गोल गर्दै नतिजा ४–२ बनाएका थिए । फाइनल खेलको म्यान अफ दि म्याच बिर्तामोडका घोषित भए । उहाँले नगद २ हजार रुपैँया पाउनुभयो । प्रतियोगिताको बेस्ट गोल किप्पर बिर्तामोडका अभिषेक रिजाल, बेस्ड डिफेन्स बिर्तामोडकै विशाल बस्नेत, बेस्ड मिल्ड फिल्ड प्रशान्त लक्सम, उत्कृष्ट फर्वाड बुट्टाबारीका सनम लिम्बू हुनुभयो । प्रतियोगिताका राइजिङ खेलाडी बुट्टाबारीका अभिषेक चौधरी घोषित हुँदा प्रतियोगिताकै उत्कृष्ट खेलाडी बुट्टाबारीकै विप्लव मैनाली भए ।

पिपल्स च्वाइसको पुरस्कार विजय राईले पाउनुभयो । बिर्तामोड नगरपालिका वडा नम्बर ६ र हरियाली सामुदायिक वन उपभोक्ता समूहको सहयोग तथा बुट्टाबारी युनाइटेड क्लबको आयोजनामा भएको प्रतियोगितामा जिल्लाका आठवटा टिमले सहभागिता जनाएका थिए । विजेता तथा उपविजता टिमलाई कार्यक्रमका प्रमुख अतिथि १ नम्बर प्रदेशसभा सदस्य एकराज कार्की, झापा जिल्ला फुटबल संघका अध्यक्ष भगिरथ आले मामा, बिर्तामोड ६ का वडा अध्यक्ष सूर्यप्रसाद कन्दङवालगायतले पुरस्कार, मेडल तथा ट्रफी वितरण गर्नुभयो ।


सम्बन्धित शीर्षकहरु

झापा,जेठ ३।झापाको मेचिनगर नगरपालिका स्थित रोट्रयाक्ट क्लब अफ ईटाभट्टा म्युनिसिपल र बैंक अफ काठमाण्डौको बिर्तामोड साखाले सुरक्षाकर्मीलाई स्वास्थ्य सामग्री प्रदान…

कनकाई अनलाईनकनकाई नगरपालिकामा कोरोना संक्रमितका लागि आइशुलेशन भवन बनाइएपनि आवश्यक अक्सिजन नहुदा संचालननमा समस्या भइरहेको बेला भुतपूर्व विद्यार्थी समाज कनकाई…

कनकाई अनलाईनअर्जुनधारा नगरपालिकाका प्रमुख प्रशासकीय अधिकृत महेन्द्रकुमार खाम्याहाङको कोरोना संक्रमण्का कारण सोमवार मृत्यु भएको छ । प्रमुख प्रशासकिय अधिकृतको २०…

प्रतिकृयाहरू