कनकाई अनलाईन
झापाको कनकाई नगरपालिका ५ तुलसीवारीमा संचालित प्रदेश स्तरीय नकआउट फुटबल प्रतियोगिताको उपाधि सयपत्री युवा क्लव इलामले जितेको छ ।
बिहीवार भएको उपाधि भीडन्तमा कनकाई ११ को टिमलाई १–८ गोल अन्तरले हराउदै सयपत्रीले उपाधि रक्षा गरेको हो । उपाधिसगै सयपत्रीले नगद २५ हजार ५ सय ५५ रुपैँया हात पारेको छ । उपबिजयी हुने कनकाईले भने १५ हजार ५५५ मा चित्त बुझायो ।
स्थानीय तुलसीवारीको देवकोटा खेल मैदानमा भएको खेलमा बिजयी टिमको तर्फबाट बबिन बोहोरा र महेस राईले ह्याट्रिक पूरा गरे भने बाकी दुई गोल विवेक मगरले गरे । कनकाईका लागि एकमात्र सान्तना गोल सनम राईले गरे । प्रतियोगितामा बिजयी तथा उपबिजयी हुने टिमलाई संघिय सांसद एलपीसाँबा लिम्बु , कनकाई ५ का वडाअध्यक्ष कृष्णबहादुर राई लगायातले पुरस्कार प्रदान गर्नुभयो ।
प्रतियोगिताको सर्बोकृष्ट खेलाडी बिजयी टिमका महेस राई बन्नुभयो । हाई स्कोरर कनकाई ११ का अर्जुन मर्डी हुनुभयो उहाँले खेलअवधिभरमा ७ गोल गर्नुभयो ।
