पत्रकार महासंघको चुनावबाट ३५ जनाको उम्मेद्धारी फिर्ता


कनकाई अनलाईन
नेपाल पत्रकार महासंघको यही चैत २५ गते हुन गइरहेको केन्द्रीय समितिको चुनावबाट ३५ जनाले हात झिकेका छन् ।

यस अगाडी ५२ पदको लागि १९९ जनाको आवेदन परेकोमा केही उम्मेदवारहरूले आफ्नो मनोनयन फिर्ता लिएका छन् । यसरी फिर्ता लिनेमा अध्यक्ष पदमा उम्मेदवारी दिएका देखि केन्द्रीय सदस्य समेत छन् ।

चैत १४ गते दिउँसो २ बजेसम्म मनोनयनको अवधि राखिएकोमा केही पदमा मनोनयन परेपछि राजनैतिक दबाबले गर्दा मनोनयन अवधि बेलुका ६ बजेसम्म पुर्‍याइएको थियो ।

बेलुका ६ बजेसम्म थप गरिएको मनोनयनमा अध्यक्ष पदमा ५ जनाको, वरिष्ठ उपाध्यक्ष पदमा ४ जनाको, महिला उपाध्यक्षमा २ जनाको, समावेशी उपाध्यक्षमा ५ जनाको, महासचिव पदमा ४ जनाको सचिव खुल्लामा ६ जनाको, सचिव आदिवासी जनजातिमा ३ जनाको, सचिव मधेसीमा ४ जनाको सचिव एसोसिएटमा ६ जनाको र कोषाध्यक्षमा ६ जनाको उम्मेदवारी परेको थियो ।

आज बेलुका ५ बजेसम्म मनोनयन फिर्ता लिन समय तोकिएकोमा उक्त समय अवधिमा अध्यक्ष पदबाट दिपक पाठकले उम्मेदवारी फिर्ता लिएका छन् भने वरिष्ठ उपाध्यक्षबाट ध्रुब लम्सालले हात झिकेका छन् । त्यस्तै महिला उपाध्यक्षमा यस अगाडी २ जना रहेकोमा कसैले पनि फिर्ता लिएका छैनन् ।

समावेशी उपाध्यक्षबाट रेमबहादुर विश्वकर्मा र शीतलप्रसाद महत्तोले उम्मेदवारी फिर्ता लिएका छन् । त्यस्तै महासचिवमा उम्मेदवारी दिएका राजेश मिश्रले पनि आफ्नो उम्मेदवारी फिर्ता लिएका छन् ।

खुल्ला सचिवबाट कमल पन्त र नकुल अर्यालले उम्मेदवारी फिर्ता लिएका छन् ।

त्यस्तै सचिव मधेसीबाट प्रविणकुमार चौधरीले उम्मेदवारी फिर्ता लिएका छन् । त्यस्तै दलित सचिवबाट गणेशकुमार वि।क।, गोपाल वराइली, मान सिंह वि क ले उम्मेदवारी फिर्ता लिएका छन् ।

कोषाध्यक्षबाट मीनबहादुर बम र दिलीप पौडेल पनि उम्मेदवारी फिर्ता लिएका छन् ।

अन्तिम उम्मेदवारको नामावली प्रकाशित हुँदा कोही पनि निर्विरोध निर्वाचित भएका छैनन् ।


सम्बन्धित शीर्षकहरु

वेलौतीवारि,बैशाख ६।झापा गाउँपालिकाको दक्षिणी क्षेत्र मुस्लिम समूदायको वाहुल्यता भएको क्षेत्र हो।जहाँ सामुदायिक विद्यालयमा भन्दा मदरसाहरुमा विद्यार्थीको चाप हुने गरेको छ।यसै…

कनकाई अनलाईनसुरुङ्गामा नयाँ व्यावस्थापन सहित खुलेको होटल क्वीन प्यालेसमा शुक्रवार राती नेपालका चर्चित कमेडियान मनोज गजुरेल र अर्की चर्चित गायिका…

कनकाई अनलाईनसुरुङ्गा । कोइराला सेवा समाज झापाको छैटौ अधिवेशनबाट २१ सदस्यीय नयाँ कार्यसमिति चयन भएको छ । शनिवार झापाको कनकाई…

प्रतिकृयाहरू