कनकाई अनलाईन
प्रदेश सरकारले जंगली बन्यजन्तुको संरक्षण र सुरक्षित वाँस स्थानका लागि छनौट गरेको जामुनवारी सामुदायिक वन क्षेत्रभित्र एक थान भरुवा बन्दुक फेला परेको छ ।
वन समुहको नियमित गस्ती टोलीलाई देखेपछि सिकारीको समुह बन्दुक छाडेर भागेको हुनसक्ने वन समुहले जनाएको छ । भेटिएको उक्त बन्दुकलाई इलाका प्रहरी कार्यालय सुरुङ्गालाई बुझाइएको छ । बरामद बन्दुकको मुचुल्का बनाएर जिल्लामा बुझाइएको इलाका प्रहरी कार्यालय सुरुङ्गाका प्रहरी नायव निरिक्षक उदयसंम्सेर राणाले बताउँनुभयो । पछिल्लो समय सरकारले उक्त क्षेत्रलाई सुरक्षित बन्यजन्तुको वाँसस्थानका रुपमा विकसित गरेसगै जंगलमा बाँघ, बदेल, हरिण, खरायो जस्ता जीवजन्तुहरुको सङ्ख्या बढेको छ । बन्यजन्तुको सङ्ख्या बढेसगै चोरी सिकारीको समेत सङ्ख्या बढेको स्थानीयको भनाई छ ।
