बिर्तामोड उवासंघमा अध्यक्षमा शिवाकोटी महासचिवमा मैनाली निर्वाचित


कनकाई अनलाईन
मेचीको व्यापारिक केन्द्रविन्दु बिर्तामोड उद्योग वाणिज्य संघको अध्यक्षमा प्रकाश शिवाकोटी निर्वाचित हुनुभएको छ । सोमबार राति ९ बजे सम्पन्न मतगणनाअनुसार शिवाकोटी कांग्रेस समर्थित लोकतान्त्रिक प्यानलका शिवाकोटीले प्रतिस्पर्धी नेकपा र राप्रपा समर्थित संयुक्त प्यानलका सुवास भट्टराईलाई पराजित गर्नुभएको हो ।

बिजयी हुनुहुने शिवाकोटीले २ हजार १३९ मत प्राप्त गर्नुभयो भने भट्टराईले १ हजार ६१५ मत पाउनुभएको छ । मतपरिणामाअनुसार महासचिव, वाणिज्य सचिव, दुई खुला सदस्य र एक महिला सदस्य नेकपा र राप्रपा समर्थितले र बाकी सबै पदमा शिवाकोटी नेतृत्वको प्यानल बिजयी बनेको छ ।

निर्वाचन समितिका सदस्य केशव भट्टराईका अनुसार वरिष्ठ उपाध्यक्षमा लोकतान्त्रिका राजु न्यौपाने विजयी हुनुभयो उहाँले संयुक्तका नारायण चिमरियालाई हराउनुभयो । न्यौपानेले २ हजार ११६ मत र चिमरियाले एक हजार ५९२ मत प्राप्त गर्नुभयो ।

उद्योग उपाध्यक्षमा लोकतान्त्रिका सञ्जीव घिमिरेले एक हजार ९४० र संयुक्तका प्रकाश घिमिरेले एक हजार ७१८ मत प्राप्त गर्नुभयो । वाणिज्य उपाध्यक्षमा राजकुमार घिमिरे (राजु) ले २ हजार २७८ र संयुक्तका राधाकृष्ण अधिकारीले एक हजार ३२३ मत पाउनुभयो । महासचिवमा संयुक्तका अर्जुनकुमार मैनालीले लोकतान्त्रिकका रविन्द्र भट्टराईललाई २६ मतले पराजित गर्नुभयो । मैनालीले एक हजार ८४३ मत प्राप्त गर्नुभयो ।
जम्मा ३ हजार ८ सय ५८ मत खसेको निर्वाचन समितिले जनाएको छ ।

उद्योग सचिवमा लोकतान्त्रिकका कुशल खतिवडाले २ हजार ५५० मत प्राप्त गर्दा उहाँका प्रतिस्पर्धी धनबहादुर डाँगीले एक हजार ६३ मत पाउनुभयो । वाणिज्य सचिवमा संयुक्तका कृष्ण पौडेल विजयी हुनुभयो । उहाँले लोकतान्त्रिकका राजकुमार शाहलाई हराउनुभयो । पौडेलको एक हजार ९६६ र शाहको एक हजार ६७४ मत प्राप्त गर्नुभयो ।

कोषाध्यक्षमा लोकतान्त्रिकका दिपेन्द्र राउतले संयुक्तका दुर्गाप्रसाद थपलियालाई पराजित गर्नुभयो । राउतले २ हजार १२२ मत पाउँदा थपलियाले एक हजार ५२४ मत प्राप्त गर्नुभयो । सहकोषाध्यक्षमा लोकतान्त्रिककी राधिका चुडाल विजयी हुनुभयो । उहाँले संयुक्तकी रञ्जु प्याकुरेललाई हराउनुभयो । चुडालले एक हजार ९७० मत र प्याकुरेलले एक हजार ६२४ मत प्राप्त गर्नुभयो ।

महिला सदस्यमा तुलसा ढकाल (२१९५) र रुचि शिवाकोटी (२०७६) विजयी हुनुभयो । ढकाल लोकतान्त्रिक र शिवाकोटी संयुक्त प्यानलको हुनुहुन्छ । खुला सदस्यमा विशाल थापा २०९९, गुञ्जन प्रसाईं २००८, पुकार बराल २०००, जीवनकुमार खड्का १९१८, दिपक मित्तल १८९९, गौरीशंकर गुप्ता (टिंकु) १७९० र बलराम सिटौला (राम) १८६१ विजयी हुनुभयो । प्रसाईं र गुप्ता संयुक्त र खड्का स्वतन्त्र उम्मेदवार रहनुभएको थियो ।

जनसम्पर्क उपाध्यक्ष नैनकला भट्टराई निर्विरोध निर्वाचित हुनुभएको थियो ।


सम्बन्धित शीर्षकहरु

वेलौतीवारि,बैशाख ६।झापा गाउँपालिकाको दक्षिणी क्षेत्र मुस्लिम समूदायको वाहुल्यता भएको क्षेत्र हो।जहाँ सामुदायिक विद्यालयमा भन्दा मदरसाहरुमा विद्यार्थीको चाप हुने गरेको छ।यसै…

कनकाई अनलाईनसुरुङ्गामा नयाँ व्यावस्थापन सहित खुलेको होटल क्वीन प्यालेसमा शुक्रवार राती नेपालका चर्चित कमेडियान मनोज गजुरेल र अर्की चर्चित गायिका…

कनकाई अनलाईनसुरुङ्गा । कोइराला सेवा समाज झापाको छैटौ अधिवेशनबाट २१ सदस्यीय नयाँ कार्यसमिति चयन भएको छ । शनिवार झापाको कनकाई…

प्रतिकृयाहरू