कनकाईको फराकिलो जित


कनकाई अनलाईन
झापाको कनकाई नगरपालिकामा अन्तराष्ट्रिय नारी दिवशको अवशर पारेर जिल्ला स्तरीय महिला फुटबल प्रतियोगिता सुरु भएको छ । उद्घाटन खेलमा आयोजक कनकाई खेलकुद प्रतिष्ठानले फराकिलो जित निकालेको छ ।


सोमवार भएको पहिलो उदघाटन खेलमा आयोजक कनकाई खेलकुद प्रतिष्ठानको टिमले हल्दीवारी गाउँपालिकाको महिला फुटबल टिमलाई ५–० गोल अन्तरले पराजित गरेको छ ।
कनकाईको लागि लक्ष्मी श्रेष्ठले एक्लैले ४ गोल गर्नुभयो । लक्ष्मीले खेलको ६,८,२४ र ५२ मिनेटमा गोल गर्नुभयो । श्रेष्ठ खेलको उत्कृष्ट खेलाडी समेत हुनुभयो । कनकाईका लागि अर्को गोल खेलको ६२ मिनेटमा नेहा चौधरीले गर्नुभयो ।
कनकाई माविको खेल मैदानमा भइरहेको प्रतियोगिताको प्रदेशसभा सदस्य हिराकुमार थापा, कनकाई नगरपालिकाका प्रमुख राजेन्द्रकुमार पोखरेल, उपप्रमुख मन्जु प्रसाई लगायातले उदघाटन गर्नुभयो ।
आगामी फागुन २४ गते अन्तराष्ट्रिय नारी दिवशका दिनसम्म आयोजना हुने प्रतियोगितामा झापाका ८ पालिकाहरुको महिला टिमको सहभागिता रहेको छ ।
प्रतियोगितामा प्रथम हुने टिमले ६५ हजार रुपैँया पाउने छ भने दोस्रो हुने टिमले ४० हजार रुपैँया पाउने खेल संयोजक गोविन्द सुवेदीले बताउँनुभयो ।
भोलीको दोस्रो खेल झापा गाउँपालिका र पारिजात फुटबल क्लव सालबाडी बिच हुने आयोजक समितिका अध्यक्ष दिनानाथ खतिवडाले बताउँनुभयो ।
उद्घाटन खेलमा प्रदेशसभा सदस्य थापा, कनकाई नपा प्रमुख पोखरेल, वाणिज्य संघका पुर्व अध्यक्ष कुमारमणि पोखरेल, राजनैतिक दलका प्रतिनिधि राप्रपाका इन्द्र रोक्का लगायातले शुभकामना मन्तव्य राख्नुभएको थियो । प्रतियोगितामा न्युरो फार्मेसीले निशुल्क स्वास्थ्य सेवा गरेको थियो भने आजको खेलको म्यान अफ दी म्याचको प्रायोजन सुनचादी व्यावसायी अशोक वरालले गर्नुभएको थियो ।
फोटो ः सेतो जर्सीमा आयोजक कनकाई खेलकुद र हरियो जर्सीमा हल्दिवारीका महिला खेलाडीहरु तस्वीर कनकाई अनलाईन


सम्बन्धित शीर्षकहरु

वेलौतीवारि,बैशाख ६।झापा गाउँपालिकाको दक्षिणी क्षेत्र मुस्लिम समूदायको वाहुल्यता भएको क्षेत्र हो।जहाँ सामुदायिक विद्यालयमा भन्दा मदरसाहरुमा विद्यार्थीको चाप हुने गरेको छ।यसै…

कनकाई अनलाईनसुरुङ्गामा नयाँ व्यावस्थापन सहित खुलेको होटल क्वीन प्यालेसमा शुक्रवार राती नेपालका चर्चित कमेडियान मनोज गजुरेल र अर्की चर्चित गायिका…

कनकाई अनलाईनसुरुङ्गा । कोइराला सेवा समाज झापाको छैटौ अधिवेशनबाट २१ सदस्यीय नयाँ कार्यसमिति चयन भएको छ । शनिवार झापाको कनकाई…

प्रतिकृयाहरू