कनकाई अनलाईन
झापाको कनकाई नगरपालिका ८ लक्ष्मीपुरमा दुई मोटरसाइकल जुध्दा एक जनाको मृत्यु भएको छ । मंगलवार विहान १०ः१५ बजे बिरिङ नदि पुलमा दुई बिपरित दिशाबाट जादै गरेको मे ११ प ५७६७ र बा ७९ प ७८८५ नम्बरका दुई मोटरसाईकल एक आपसमा जुध्दा बा ७९ प ७८८५ नम्बरको मोटरसाईकलका चालक शिवसताक्षी नगरपालिका ९ बस्ने २३ बर्षिय करण कार्कीको उपचारका क्रममा मृत्यु भएको जिल्ला प्रहरी कार्यालय झापाका प्रहरी प्रवक्ता राकेश थापाले बताउँनुभयो । कार्कीको बिर्तामोडको विएण्डसी अस्पतालमा उपचार संम्वभ नभएपछि थप उपचारका लागि सिलुगढीतर्फ लैजानेक्रममा बुधवार दिउसो मृत्यु भएको हो । प्रहरीले दुर्घटनामा परेका दुबै मोटरसाइकल नियन्त्रणमा लिएको छ ।
