मदरगाछ,माघ १६।सन्थाल समाज झापा गाउँपालिका-७ को आयोजनामा जारी जिल्ला स्तरिय सन्थाल नकाउट फुटबल प्रतियोगितामा आज सेमिफाइनलको एक खेल सम्पन्न भएको छ।आयोजक र हात्तीमारा भद्रपुर बिच भएको खेलमा ७-१ को गोल अन्तरले भद्रपुरलाई हराउँदै आयोजक टिमले फाइनलको यात्रा तय गरेको छ।आयोजकका तर्फबाट रोशन मर्डीले ३ गोल,उमेश मुर्मुले २ गोल,बुम सोरेन र अर्जुन सोरेनले १/१ गोल लगाउदै आफ्नो टिमलाई अग्रता दिलाएका थिए भने भद्रपुरका तर्फबाट नातन किस्कुले १ गोल फर्काएका थिए।
यो संगै चारपाने बिर्तामोड र आयोजकको टिम फाइनलमा प्रबेश गरेका छन।फाइनल खेल भोलि सम्पन्न हुने आयोजकले जनाएको छ।प्रतियोगितामा विजेतालाई २५ हजार,उप–विजेतालाई १५ हजार नगद तथा ट्रफि मेडल र प्रमाण पत्र प्रदान गरिने सन्थाल समाजका अध्यक्ष नरेश मुर्मुले जानकारी दिनु भएको छ ।
