कनकाई अनलाईन
दुर्गापुर । गत पुस २७ गते भएको प्रजापति सामुदायिक वन उपभोक्ता समुहको निर्वाचनमा आफ्नो तर्फबाट बिजयी हुने अध्यक्ष सुशिल पोखरेल उपाध्यक्ष दलबहादुर बिक, सचिव गोमा अधिकारी, कोषाध्यक्ष दिलुमाया विके लगायातलाई विशेष कार्यक्रमका विचमा सम्मान गरेको हो । नेकपा वार्डनम्बर १ को आयोजनामा भएको कार्यक्रममा पार्टीका जिल्ला कमिटी सदस्य चन्द्रमान कन्दङ्को प्रमुख आतिथ्यता रहेको थियो । सहभागि वक्ताहरुले इतिहासमै नेकपाको नेतृत्व प्रजापति सामुदायिक वनमा हुन नसकिरहेको अवस्थामा पार्टी विभाजनकै अवस्थामा नेतृत्व पाउनुले तल्लो तहमा विभाजनको असर नपरेको पुष्टि भएको बताए । कार्यक्रममा बोल्दै नवनिर्वाचित अध्यक्ष सुशिल पोखरेलले निर्वाचन पछि कोही कसैलाई विभेद नगर्ने र लोकप्रिय कार्यक्रम ल्याएर उपभोक्तालाई सेवा सुविधा प्रदान गर्ने यसका लागि तीनै सरकारसग समन्वय गरिने बताउँनुभयो ।
कार्यक्रममा कनकाई १ का वार्डअध्यक्ष रोषनराज पोखरेल ८ का वार्डअध्यक्ष प्रेमबहादुर कटुवाल, कनकाईकी कार्यपालिका सदस्य सीता अधिकारी, कनकाई २ का वार्डसदस्य वलराम राई, निर्वाचन आयुक्त ताराप्रसाद खनाल, निर्वाचन सदस्य रमेश पानीपोखरेल, मात्रिका पोखरेल लगायातले मन्तव्य राख्नुभयो । कनकाईका नेकपा युवा नेता कृष्णप्रसाख खतिवडाले संचालन गरेको कार्यक्रमको स्वागत नेकपाका वार्ड इन्चार्ज प्रेमप्रसाद अधिकारीले स्वागत तथा कार्यक्रमको सभापतित्व नेकपा वार्डनम्बर एकका अध्यक्ष ऋषि खतिवडाले गर्नुभएको थियो ।