कनकाई अनलाइन
झापा,मंसिर २४ । ईलाका प्रहरी कार्यालय कुमरखोदले नवनिर्मित दुर्गादेवी मन्दिरको आज एक विशेष कार्यक्रमका बिच विधिवत रुपमा उद्घाटन गरेको छ ।जिल्ला प्रहरी कार्यालय झापाका प्रमुख प्रहरी उपरिक्षक कृष्णप्रसाद कोइरालाले सो मन्दिरको उद्घाटन गरेका हुन।
गत छ महिना अघि नयाँ इप्रका प्रमुख प्रहरी नायव निरिक्षक खड्गबहादुर गिरी कुमरखोदमा आए संगै मन्दिर निर्माण थालिएको थियो।मन्दिर झापा गाउँपालिका,प्रहरी संघठन र स्थानीय समुदायको सहयोग तथा प्रहरी कर्मचारीहरुको श्रमदानवाट निर्माण गरिएको प्रहरी नायब निरिक्षक खड्ग गिरीले कनकाई अनलाइनलाई बताए।दशैको अवसर पारेर मन्दिर उद्घाटन गर्ने उदेश्यले तिब्र गतिमा निर्माण सम्पन्न गरिएपनी समयानुकूल नमिलेर अहिले उद्घाटन गरिएको गिरीको भनाई छ।
