सुरुङ्गा,मंशीर १४।झापा गाउँपालिकामा आज थप ९ जनामा कोरोना भाइरसको संक्रमण पोजेटिभ देखीएको छ।संक्रमित हुनेहरु वडा-२ का १ पुरुष,वडा-३ का १ महिला र ३ पुरुष,वडा-५ का १ पुरुष,वडा-६ का १ महिला र १ पुरुष,वडा-७ का १ महिला रहेको झापा गाउँपालिकाका कोभिड-१९ फोकल पर्सन बाबुराम निरौलाले कनकाई अनलाइनलाई बताउनु भयो। यो संगै झापा गाउँपालिकामा सकृय संक्रमितको संख्या ५८ पुगेको छ।
त्यस्तै कनकाई नगरपालिका-३ का १ पुरुष सहित आज झापामा ४१ जनामा कोरोना भाइरसको संक्रमण पुष्टि भएको छ । संक्रमण पुष्टि हुनेहरुमा दमक नगरपालिकाका ५ महिला र ४ पुरुष रहेका छन।विर्तामोडका १ महिला र १ पुरुषमा संक्रमण देखिएको स्वास्थ्य कार्यालय झापाले जनाएको छ। स्वास्थ्य कार्यालय झापाका अनुसार गौरादहका १ जना,मेचिनगरका-४ जना,भद्रपुरका २ जना,हल्दिबारीका २ जना,अर्जुनधाराका ७ जना,गौरिगन्जका १ जना,कमलका १ जना र अन्य ६ जनामा संक्रमण पुष्टि भएको छ।त्यस्तै कोरोनाका कारण आज एक जनाको मृत्यु भएको छ।मृत्यु हुनेमा मेचीनगर-१३ का ५५ वर्षीय पुरुष रहेका छन।
स्वास्थ्य कार्यालय झापाको तथ्याङ्क अनुसार आज सम्मका कुल संक्रमित संख्या ३८१४ रहेको छ।जसमा मृत्यु हुनेको संख्या १०८ रहेको छ भने निको हुनेको संख्या २४९८ रहेको छ
