झापा , मंसिर ८ । चोरी मुद्धा लागेर फरार रहेका तीनजना आरोपीलाई प्रहरीले पक्राउ गरेको छ ।
पक्राउ पर्ने तीनैजना हल्दिबारीका रहेका छन् । पक्राउ पर्नेमा हल्दिबारी ३ का ३० वर्षिय मुकेश मेचे , २८ वर्षिय प्रेम मगर र ३२ वर्षिय राजु मेचे रहेका छन् । तीनैजनालाई समान पन्ध्र– पन्ध्र दिन कैद र जनही २९ हजार २५० रुपैयाँ जरिवाना तोकिएको थियो ।जिल्ला अदालत धनकुटाको २०७५ पुष १७ गतेको फैसला अनुसार चोरी मुद्दाका ती प्रतिवादीहरुलाई सो फैसला सुनाइएको थियो । सजाय र जरिवाना ठहरिएका उनीहरु वारदात पश्चात फरार रहेका थिए ।
खोजलताश गर्ने क्रममा बिशेष सुराकीको आधारमा जिल्ला प्रहरी कार्यालय झापा र प्रहरी चौकी जलथलबाट खटिएको प्रहरी टोलीले आज विभिन्न स्थानहरुबाट पक्राउ गरेको जिल्ला प्रहरी कार्यालय झापाले जानकारी दिएको छ।जिप्रकाका अनुसार तीनै जनालाई जिल्ला प्रहरी कार्यालयमा राखिएको र फैसला कार्यान्वयनको लागि भोलि झापा जिल्ला अदालत भद्रपुरमा उपस्थित गराउने भएको छ ।
