सूर्य कुईँकेल शिवासताक्षी-झापा जिल्ला शिवसताक्षी नगरपालिकाको सताक्षी प्रेसक्लवको दोश्रो अधिवेसन शनिवार दुधे स्थित राष्ट्रिय रमणीय मा.विमा सम्पन्न भएको छ । अधिवेसनले पत्रकार सेलि केसीलाई आगामी दुई वर्षे कार्यकालका लागि सर्वसम्मत चयन गरेको हो । केसी शिवसताक्षीबाट प्रकासन हुने सतासी साप्ताहिकका कार्यकारी सम्पादक हुन ।
अध्यक्षसँगै दिलिप घिमीरे र सरोज भट्टराई उपाध्यक्ष, शान्तिराम वस्नेत सचिव, आकृति तिम्सिना कोषाध्यक्ष, गोविन ल्वागुन सहसचिवमा चयन भएका छन भने सदस्यहरुमा सूर्य कुईँकेल, तेजेन्द्र घिमीरे, भगीहा नेम्वा , पवन चाम्लि राई, सोनिका राई, जीवनसिंह राजवंशी चयन भएका छन् । थप एक सदस्य निवार्चित समितिको बैठकले मनोनयन गर्नेछ । त्यस्तै सल्लाहकार संयोजकमा छबिलाल दवाडी र सदस्यहरुमा पदम प्रसाद दाहाल, डामकुमार कुँवर, चन्द्रप्रसाद खनाल र उदयप्रकास राई रहनेछन् । नयाँ कार्यसमिति सर्वसहमतिले चयन भएको थियो।
यसैविच सताक्षी प्रेसक्लवले स्थापना गरेको मनहा सेलि स्मृति पत्रकारिता पुरस्कार पत्रकार अनिलदेव राईलाई प्रदान गरिएको छ । नगद रु ५ हजार ५ सय ५५ रुपैँया पुरस्कार राशी र प्रमाणपत्र सहित कार्यक्रमका प्रमुख अतिथी शिवसताक्षी नगरपालिका प्रमुख चन्द्रकुमार शेर्मा र अतिथि, पत्रकार महासंघ झापा जिल्ला उपाध्यक्ष एकराज गिरीले हस्तान्तरण गरेका थिए।दिलीप घिमीरेद्धारा सञ्चालन गरिएको कार्यक्रममा संस्थाको आयव्य प्रस्तुत गरिएको थियो भने, कार्यक्रमको अध्यक्षता संस्थाका पूर्व अध्यक्ष छविलाल दवाडीले गरेका थिए ।
