कनकाई अनलाईन
कनकाई नगरपालिकामा कोरोना संक्रमितको सङ्ख्या १४७ जना पुगेको छ ।
कनकाई नगरपालिकाका कोरोना फोकल पर्सन नारायण अधिकारीले कनकाई अनलाईनलाई दिएको जानकारी अनुसार हालसम्म कनकाई नगरपालिकामा ४ जनाको कोरोनाकै कारण मृत्यु भएको छ ।
कनकाई नगरपालिकामा सबैभन्दा बढी वार्ड नम्बर ३ मा ५८ जनामा कोरोना संक्रमण देखिएको छ भने यस वार्डमा मात्रै एक महिला र एक पुरुषको कोरोनाकै कारण मृत्यु भइसकेको छ । सबैभन्दा कम वार्ड नम्बर ६ मा हालसम्म कोरोना संक्रमण देखिएको छैन । यसैगरि वार्डनम्बर १ मा १३ जनामा कोरोना संक्रमण देखिएको छ भने एक नम्बर बार्डमा १ जना पुरुषको मृत्यु कोरोनाकै कारण भएको छ ।
२ मा १२ जनामा कोरोना संक्रमण देखिएको छ भने ४ मा १७ जना, ५ मा १५ जना, ७ मा ८ जनामा कोरोना संक्रमण देखिएको छ भने वार्ड नम्बर ८ मा १२ जनामा कोरोना संक्रमण देखिएको छ,वार्ड नम्बर ९ मा ८ जनामा संक्रमण देखिएको छ भने एकजना पुरुषको मृत्यु भएको छ ।
कनकाई नगरपालिकाकाले हरेक शुक्रवार निशुल्क कोरोना चेकजाँच र अन्य दिनमा समेत असक्तहरुका लागि कोरोनाको पिसिआर चेक कोटीहोममा गरिरहेको कनकाई नगरपालिकाका प्रमुख राजेन्द्रकुमार पोखरेलले बताउँनुभयो ।
