झापा,कार्तिक २४।सशस्त्र प्रहरीले झापाको झापा गाउँपालिका-१ मिलनबस्ती स्थित सिमा एरियाबाट करिव एक लाख पचास हजार मुल्य बराबरको अतिसबाजी(पटका) बरामद गरेको छ। गए राती एक बजे सशस्त्र प्रहरी टाघनडुब्बा बिओपीबाट खटिएको सशस्त्रको टोलीले उक्त परिमाणको विभिन्न प्रकारका पटकाहरु बरामद गरेको हो।
टोलीले नागिन नामको अतिसबाजी(पटका) बरामद गरेको टाघनडुब्बा बिओपीले जनाएको छ।लुकीछिपी सिमापार गर्दै गरेको अबस्थामा कारोबारी पटका छोडेर फरार भएका थिए। यस अघिपनी करिव साठी हजार मूल्य बराबरको पटका बरामद गरिएको उक्त कार्यालयले जानकारी दिएको छ।
बिओपीका अनुसार बरामद गरिएका अतिसबाजी(पटका) आव्यश्यक कारबाहीका लागि सशस्त्र प्रहरी बल नेपालको नं २ गण हेड्क्वाटर भद्रपुर बुझाइएको छ।
