कनकाई अनलाइन।शरणामती,कार्तिक ७।झापा गाउँपालिका-३ झाँटीका एक बालक आज बिहान ५ देखि बेपत्ता भएका छन।१२ बर्षिया मदन बिश्वकर्मा बेपत्ता भएको पारिवारिक स्रोतले बताएको छ।
गहुँ गोरो बर्णका,कपाल हल्का काटेका,रातो भेष र पहेलो जर्सीको हाप्पेन र खुट्टामा च्यारच्यारे फित्तावाला चप्पल लगाएर गुलाबी रंगको पुरानो साईकलमा हिडेका मदन अहिले सम्म पनि घर नफर्केको किरण बिश्वकर्माले कनकाई अनलाइनलाई बताउनु भयो।मदन हराएको इलाका प्रहरी कार्यालय कुमरखोदलाई समेत सुचना गरिसकेको बिश्वकर्माले बताउनु भएको छ।बालकका बुबा हरिप्रसाद बिश्वकर्माका परिवार तेह्रथुम देखि झापा गाउँपालिका-३ झाँटीमा बसोबास गर्दै आइरहेको बताइएको छ।
बालकलाई भेट्नु हुने महानुभावले नजिकको इलाका प्रहरी कार्यालयमा अथवा ९८२४०९२६९८ मा सम्पर्क गर्न परिवारले अनुरोध गरेका छन।
