कनकाई अनलाइन।शरणामती,कार्तिक २।नेपाल रेडक्रस सोसाइटी शरणामती उपशाखाको संयोजनमा भोलि सोमबार बृहत् रक्तदान कार्यक्रम हुने भएको छ।झापा गाउँपालिका-६ को कन्काई बजार सामुदायिक भवन शरणामतीमा हुन लागेको रक्तदान कार्यक्रममा नेपाल रेडक्रस सोसाइटी जिल्ला साखाको प्रविधिक सहयोग रहेको बताइएको छ।
“रक्तदान जिवनदान” भन्ने मुल नाराका साथ शरणामती उपशाखाको संयोजनमा हुने कार्यक्रममा झापा गाउँपालिका भित्र रहेका विभिन्न संघ-संस्थाहरुको सहकार्य रहेको शरणामती उपशाखाका सभापती केशब बजगाईंले कनकाई अनलाइनलाई बताउनु भयो।झापा गाउँपालिका भित्र रहेका उन्नाईस संघ संस्थाको सहकार्यमा रक्तदान कार्यक्रम सम्पन्न हुन लागेको बजगाईंले बताउनु भयो।
बजगाईंका अनुसार भोलि सोमबार बिहान ९ बजे देखि रक्तदान कार्यक्रम सुरु हुनेभएको छ।रक्तदान जिवनदान भएकाले सम्पुर्ण झापा गाउँबासीलाई रक्तदान गर्न समेत बजगाईंले आग्रह गर्नुभयो।
