कनकाई अनलाइन।शरणामती,असोज २१।झापा गाउँपालिका-६ मा पर्ने शिवालय चौक नजिक बिपरित दिशाबाट आइरहेका मोटर साईकल र टेम्पु एकआपसमा जुध्दा मोटरसाईकल चालक घाइते भएका छन।घाइते हुनेमा दमक नगरपालिका-१० निवासी ४० वर्षीया सुबास राई रहेको इलाका प्रहरी कार्यालय कुमरखोदले जनाएको छ।
प्रहरीका अनुसार आज साँझ ५.१५ बजे झापा गाउँपालिकामा पर्ने अमरपथ राजमार्गमा फुलगाछी देखि सुरुङ्गा तर्फ जाँदै गरेको को १ प ५५४२ नम्बरको मोटरसाईकल र बिपरित दिशा तर्फ आउदै गरेको प्र १-०१-००१ ह ७८९१ नम्बरको टेम्पु एकआपसमा जुधेका थिए।
घाइते मोटरसाईकल चालकलाई उपचारका लागि बिर्ता सिटी हस्पिटल बिर्तमोड पठाइएको र टेम्पु र मोटरसाईकल दुबै थप अनुशन्धानका लागि इलाका प्रहरी कार्यालयले नियन्त्रणमा लिएको प्रहरीले जानकारी दिएको छ।
