कनकाई अनलाइन।कामाटोली,असोज १७।झापा गाउँपालिकामा रहेको सशस्त्र प्रहरी बल टाघनडुब्बा बिओपीको टोली र सशस्त्र प्रहरी बल नेपाल नं-२ गण हेडक्वाटर झापाको संयुक्त टोलीले नियन्त्रीत लागुऔषध खैरोहिरोइन ब्राउन सुगर सहित दुई जनालाई प्रकाउ गरेको छ।पक्राउ पर्नेहरुमा झापा गाउँपालिका-३ बस्ने वर्ष २६ का दिनेश ठाकुर र बर्ष १९ का अमर राजबंशी रहेको सशस्त्र प्रहरीले जनाएको छ।
आज साँझ ६.३० बजे विशेष सुराकीको आधारमा टाघनडुब्बा बिओपीका सशस्त्र प्रहरी निरिक्षक सचिन प्रधान र हेडक्वाटर झापाका सशस्त्र प्रहरी सहायक निरिक्षक रमेश कुवँरको कमाण्डमा खटिएको प्रहरी टोलीले लागुऔषध कारोबारीलाई झापा गाउँपालिका-३ स्थित कामाटोली बजारमा रहेको एक होटलबाट पक्राउ गरेको हो।पक्राउ पश्चात् उनीहरु उपर चेकजाँच गर्दा प्लाष्टिकमा पोको पारेर राखिएको नियन्त्रीत लागुऔषध खैरोहिरोइन ब्राउन सुगर २८.८६ ग्राम बरामद गरिएको सशस्त्र प्रहरी निरिक्षक सचिन प्रधानले कनकाई अनलाइनलाई बताउनु भयो।
सशस्त्र प्रहरी निरिक्षक प्रधानका अनुसार बरामद गरिएको लागुऔषध र पक्राउ परेका दुइजनालाई इलाका प्रहरी कार्यालय कुमरखोदमा आव्यश्यक कारबाहीका लागि बुझाइएको छ।
