कनकाई अनलाईन
देउखुरी, असोज १७ गते । चाडपर्व नजिकिँदै गर्दा दाङ प्रहरीले ठूलो रकमसहित जुवाको खालबाट जुवाडे समातिएका छन् । दाङको छुट्टाछुट्टै दुई स्थानबाट १८ जनालाई जुवाको खालबाट पक्राउ गरिएको जिल्ला प्रहरी कार्यालय दाङका एसपी गणेश चन्दले जानकारी दिनुभयो ।
राप्ती गाउँपालिका वडा नं। ५ सिसहनिया एक खाजा घरबाट १० जना र बबई गाउँपालिका वडा नं। ३ धनुवासबाट आठ जना गरी १८ जना व्यक्तिलाई जुवाको खालबाट पक्राउ गरेको हो ।
सिसहनियाबाट दुई लाख ६० हजार एक सय २५ रुपैयाँसहित १० जना र बबईबाट दुई लाख ६१ हजार ९नौसय ९० रुपैयाँसहित ८ जनालाई पक्राउ गरिएको जिल्ला प्रहरी कार्यालय दाङले जनाएको छ ।
दुइटै स्थानमा जिल्ला प्रहरी कार्यालयबाट खटिएको प्रहरी टोलीले छापा मारेर जुवा खेलिरहेको अवस्थामा उनीहरुलाई पक्राउ गरेको हो । पक्राउ परेका व्यक्तिहरुलाई जुवा ऐन अन्तर्गत मुद्दा दर्ता गरेर कारबाही गरिने प्रहरीले जनाएको छ ।
