कनकाई अनलाईन
हिजो राती कोरोना संक्रमणबाट मृत्यु भएका कनकाई नगरपालिका ९ का ४६ बर्षिय पुरुषलाई अहिले कनकाई सामुदायिक वनमा पुरेर अन्तिम सस्कार गरिएको छ ।
चारआलीस्थित श्रीनाथ गणबाट आएको सेनाको टोलीले वनमा शव गाडेको कनकाई नगरपालिकाले जनाएको छ ।
केहिदिन पहिले उपचारका लागि भद्रपुरस्थित प्रादेशिक अस्पताल लगिएकोमा त्यहाँ उपचार सम्भव नभएपछि उनलाई विराटनगर उपचारका लागि अगिएको थियो । विराटनगरमा हिजै कोरोना पुष्टि भएको उनको रातीनै निधन भएको अस्पतालले जनाएको छ ।
यसअघि पनि कनकाई ३ की एक महिलाको समेत कोरोनाका कारण मृत्यु हुदा कनकाई वनमै दाहसस्कार गरिएको कनकाई नगरपालिकाका प्रमुख राजेन्द्रकुमार पोखरेलले बताउँनुभयो । हालसम्म कनकाईमा कोरोनाकै कारण ५६ जना संक्रमित भइसकेका छन भने त्यसमा २ जनाको मृत्युसमेत भइसकेको छ ।
यता कोरोनाका कारण आफ्नो वार्डमा मानिसको मृत्युनै भएपछि कनकाई ९ नम्बर वार्डलाई शिल गरिएको वडाअध्यक्ष प्रेम राजवंशीले बताउँनुभयो