कनकाई अनलाईन
एभिन्युज टेलिभिजनका विवादस्पद कार्यक्रम प्रस्तोता शुसिल पाण्डे बिरुद्ध कनकाई नगरपालिका परिवारले प्रेस काउन्सिलमा मुद्धा हालेको छ ।
आज कनकाई सुरुङ्गा प्रेस क्लवले आयोजना गरेको अन्र्तक्रिया कार्यक्रममा बोल्दै कनकाई नगरपालिकाका प्रवत्ता गोविन्द पौड्यालले कनकाई नगरपालिकाका प्रमुख राजेन्द्र पोखरेल, वार्डअध्यक्ष र सिङ्गो नगरपालिका परिवारप्रति तल्लो स्तरको पाडेँ गाली गरेको विरुद्धमा एभिन्युज र कार्यक्रम प्रस्तोता शुशिल पाण्डे विरुद्ध एभिन्युज साखा, प्रेस काउन्सिल र पत्रकार महासंघ केन्द्रिय कार्यालयमा उजुरी हालिएको र यसको रेस्पोन्स समेत भईसकेको र चाडै तल्लो स्तरको गाली गलौज विरुद्धमा अदालतमा जाने तयारी समेत अन्तिम चरणमा पुगेको जानकारी दिनुभयो । उक्त टेलिभिजनले चलाउदै आएको प्रत्यक्ष फोनबार्ता कार्यक्रममा पाण्डेले कनकाई नगरपालिका प्रमुख राजेन्द्र पोखरेललाई कुकुर भन्दा तल्लो बर्गको र पोखरेलको आमा समेतलाई जन्म दिएकोमा आमाको कोखलाई समेत धिर्कादै तल्लो स्तरको गाली गरेका थिए । कनकाई ९ का शेरबहादुर थापाले आफ्नो समस्या राखिसकेर विदा भइसकेपछि पाण्डेले एकतर्फि रुपमा नगरप्रमुख र र नगरपालिकापरिवामा गाली गरेका थिए ।
यसवारेमा शेरबहादुर थापाले समेत कार्यक्रम प्रस्तोता पाण्डेको आफ्ना निजि विचार सहितको गाली गरिएको शब्दमा आफ्नो कुनै भुमिका नभएको बताउँनुभएको छ । कार्यक्रममा बोल्दै सुरुका दिनमा आफुलाई राहत वितरणमा प्रहरीले अवरोध गरेको भएपनि त्यसपछि आजको मितिसम्ममा कुनै अवरोध नपुगेको र जनप्रतिनिधिसगै मिलेर राहत वितरणमा सहभागि भईरहेको बताउँनुुभयो ।
फोटो ःकार्यक्रम प्रस्तोता पाण्डे र नगरका प्रवक्ता गोविन्द पौड्याल
