कनकाई अनलाइन
झापा,बैशाख १६।झापा गाउँपालीका-३ मा पर्ने सिमलबाडीमा आगलागी हुँदा एक राइस मील र एक घर जलेर ध्वस्त भएका छन।लालप्रसाद राजबंशीको जयसन्तोषी राइस मील र मीलकै छेउमा रहेको प्रलाद मण्डलको घर जलेर ध्वस्त भएको हो।
आज बिहान करिब तीन बजे तिर लागेको आगोले राईस मील जल्दा करिब साढे छ लाखको क्षति भएको राइस मीलका संचालक लालप्रसाद मण्डलले कनकाई अनलाइनलाई बताए।राइस मीलकै छेउमा रहेको प्रलाद मण्डलको घर पुर्णरुपमा जलेर ध्वस्त भएकाले करिब पन्ध्र लाख बराबरको क्षति भएको मण्डलले बताए।
आगो निभाउन स्थानीयबासी तथा दमकलले प्रयत्न गरे पनि घर र मील पुर्णरुपमा जलेर ध्वस्त भएको हाम्रा स्थानिय सहयोगी धिरजनारायण गणेशको भनाइ छ।
बिजुलीको सर्टसर्किटबाट आगो लागेको अनुमान गरिए पनि आगलागीको कारण भने खुल्न सकेको छैन।
