कनकाई अनलाइन
झापा,बैशाख १५।झापा गाउँपालिकाले कोरोना महामारीवाट आफ्ना गाउँपालिकाका नागरिकहरुलाई सहयोग गर्न वनाएको कोरोना राहत कोषमा बिर्तामोड नगरपालीका-६ मा रहेको जयलक्ष्मी निर्माण सेवा प्रालीले बीस हजार एक सय रुपैयाँ सहयोग गरेको छ।
एक विशेष कार्यक्रमका विच उक्त राहत रकम निर्माण कम्पनीका प्रोपाइटर यज्ञनिधी भुर्तेलले गाउँपालीकाका अध्यक्ष जयनारायण शाहलाई हस्तान्तरण गर्नुभयो।रकम हस्तान्तरण गर्दै यो विपदको घडीमा झापा गाउँबासीलाई केही राहत होस भनी आफ्नो कम्पनीले उक्त सहयोग गरेको भुर्तेलले कनकाई अनलाइनलाई बताउँनु भयो।
झापा गाउँपालिकाको कोरोना राहत कोषमा रकम जम्मा हुने क्रम जारी छ । यस कोषमा थप सहयोग गर्न गाउँपालिकाले सम्पूर्ण संघ सस्था , उधोगी ,व्यापारी व्यावसायी , स्वदेश तथा विदेशमा रहनु हुने नेपाली दाजुभाइ , दिदिबहिनी समक्ष अनुरोध समेत गरेको छ ।
रकम प्रदान गर्दा आव्यश्यक पर्ने खाता एनआइसी एसीयाको झापा बजारमा रहेको साखाबाट खोलीएको k2CA051251452406 नम्बरको खाता रहेको छ।
