कनकाई अनलाईन
विश्वमा कोरोना आतंक मच्चिरहेको वेला झापा गाउँपालिकामा भने हात्ती आतंक मच्चिरहेको छ । झापा गाउँपालिका १ लसुनामा आज राती २ बजे ५ वटाको सङ्ख्यामा आएको जंगली हात्तीले लसुनाको ४ घर पुर्णरुपमा भत्काइदिएको छ । हात्तीको समुहले स्थानीय शंकरलाल,बासुलाल, चकिलाल र प्रेम राजवंशीको घर भत्त्काइदिएको छ ।
हात्तीले घर भत्काउन थालेपछि भागेर ज्यान वचाएपनि हात्तीले घर भत्काइदिएपछि कन्तविजोग बनेका राजवंशी परिवारहरु अर्काको घरमा आश्रय लिएर बसेको हाम्रा सहयोगी टिका गणेशले बताउँनुभयो । सरकारले देशभर लकडाउन गरि नागरिकलाई घर बाहिर नजानु भन्ने उर्दी जारी गरेपनि यहाँका सर्बसाधरण भने आफ्नो बस्ने घरै हात्तीले भत्काइदिएपछि अर्काको घरमा आश्रय लिन बाध्य छन । लसुना क्षेत्र देखि भारतको विहार राज्य दिंघलबैंक मात्रै एक किलोमिटरकै दुरीमा रहेको छ ।
