केशब चापागाईं
झापा,फागुन २५।शिवसताक्षी जेसीसले आयोजना गरेको कोरोना भाइरस सम्बन्धि जनचेतना मुलक कार्यक्रम हिजो सम्पन्न भएको छ।
माईधार चौकको बिचमा आयोजना गरिएको कार्यक्रमको अध्यक्षता जेसीसका अध्यक्ष कुमार सिंह सावाले गरेका थिए भने प्रमुख आथित्यता शिवसताक्षी नगरपालीका-१० का वडाध्यक्ष कृष्णबाहादुर थापाको रहेको थियो।
पुष्प पौडेलले संयोजन गरेको कार्यक्रममा कोरोना भाइरस रोकथामका उपायहरुका प्लेकार्ड बोकी चौक वरिपरि मौन र्याली गरिएको थियो।र्यालीमा जेसीसका सदस्यहरु,प्रहरी,नागरीक तथा विभिन्न संघ संस्थाका पदाधिकारीहरुको व्यापक उपस्थीती रहेको थियो।कार्यक्रममा सहभागी सम्पुर्णलाई मास्क पनि वितरण गरिएको थियो।
शिवसताक्षी नगरपालीका-१० र इलाका प्रहरी कार्यलय झिलझिलेले सहकार्य गरेको कार्यक्रमको अन्त्यमा कोरोना भाइरस सम्बन्धी जनचेतनामुलक सडक नाटक प्रस्तुत गरिएको थियो।नाटकमा कोरोना भाइरसको उत्पती,यसका लक्षणहरु र रोकथामका उपायहरु बारेमा नाटकिय तरिकाले वर्णन गरिएको थियो।
