कनकाई अनलाईन
सुरुङ्गा । भ्रमणबर्ष २०२० को प्रचार गर्दै झापाली युवाले मेचीकाली पर्यटन प्रवद्धन यात्रा सम्पन्न गरेका छन ।
केवाइसी क्लव बाह्रदशी र श्रृजनशील युथ क्लव हल्दीवारीको आयोजनामा मेचीपुलबाट महाकाली पारिको दुई गाउँ चादनी र दोधारासम्मको यात्रामा टिका प्रसाईको संयोजकत्वमा भुपिन कटुलाल , केआइसीका अध्यक्ष समेत रहेका डिल्ली थापा, खगेन्द्र दाहाल लगायातको १९ युवाले मेची महाकाली पर्यटन प्रवद्धन यात्रा पूरा गरेका हुन ।
गत पुस १६ गतेदेखि २३ गतेसम्म गरि ८ दिनमा सकिएको पर्यटन यात्रामा मेचीपुलबाट झापा क्षेत्रनम्बर एकका सांसद राम कार्की पार्थले विदाई गर्नुभएको थियो । भने महाकालीबाट महाकाली नगरपालिकाका मेयर बीरबहादुर सुनुवारले विदाई गर्नुभएको थियो । यात्रामा पुर्वमा रहेका पर्यटकिय स्थलका वारेमा विभिन्न स्थानमा गई प्रचार गरिएको यात्रामा सहभागि भुपिन कटुवालले बताउँनुभयो ।
