द्रोण अधिकारी
भद्रपुर, २६ पौष । भद्रपुर ९ स्थित ग्यालेक्सी अंग्रेजी आधारभूत विद्यालयको आयोजनामा अन्तर विद्यालय ग्यालेक्सी कप नकाउट फुटवल प्रतियोगिता माघ ८ गते बाट हुने भएको छ ।
गत वर्षबाट सुरू गरिएको प्रतियोगिताको दाश्रो संस्करणमा भद्रपुर, विर्तामोड र मेची नगरका गरी ३१ वटा संस्थागत आधारभूत विद्यालयले प्रतिष्पर्धा गर्ने गरी माघ ८ गतेबाट ग्यालेक्सी कप नकाउट फुटवल प्रतियोगिता हुने भएको हो ।
विद्यालय तहबाटै कुसल खेलाडी उत्पादनका लागि जग तयार गर्ने तथा संस्थागत विद्यालयहरू बीच सुमधुर सम्बन्ध कायम गरी खेलकुदको विकासमा योगदान दिने लक्ष्य राखेर दास्रो संस्करणको खेल हुन लागेको प्रिन्सिपल वेदप्रकाश घिमिरेले जानकारी दिए । प्रिन्सिपल घिमिरेले खेलकुद स्वास्थ्य र अनुशासनका लागि अनिवार्य भएकोल अन्तर विद्यालय फुटवल प्रतियोगिताले विद्र्थीको क्षमता विकासमा सकारात्मक प्रभाव पार्ने धारणा प्रष्ट्याए । ३१ वटा विद्यालयले भाग लिने प्रतियोगिता ५ दिनसम्म चल्ने उनको भनाइ छ ।
