कनकाई अनलाईन
झापाको कनकाई नगरपालिका ७ दुर्गापुरस्थित फक्तालुङ एजुकेशन फाउण्डेशनमा जारी क्षेत्रनम्बर २ स्तरीय एनप्याससन अन्तरबिद्यालय पुरुष भलिबलको उपाधि बाह्रदशी गाउँपालिकास्थित नमुनामावि चकचकीले हात पारेको छ ।
आज सम्पन्न खेलमा होलिबेशिल अंग्रेजी मावि लक्ष्मीपुर दोस्रो र आयोजक फक्तालुङ एजुकेशन फाउण्डेशन तेस्रो भएको छ ।
बिजयी सबै बिद्यालयलाई एनप्याप्सनका केन्द्रिय सदस्य धर्मराज माझि, जिल्ला उपाध्यक्ष हरि राना, एनप्याशनका रामकुमार राजंबशी, मोहन आचार्य, अशोक न्यौपाने, धिरज गणेश लगायातका अतिथिहरुले शिल्ड तथा पुरस्कार प्रदान गर्नुभयो ।
फक्तालुङ एजुकेशनका संस्थापक दुर्गा नेम्बाङको अध्यक्षतामा भएको कार्यक्रमको संयोजक फक्तालुङ एजुकेशन फाउण्डेशनका पिन्सिपल ओमबिक्रम नेम्बाङ रहनुभएको थियो । प्रतियोगितामा एनप्याप्सनका रहेका दर्जनौ विद्यालयको सहभागिता रहेको थियो । उक्त खेलकुद प्रतियोगिताको औपचारिक कार्यक्रम फक्तालुङका लक्ष्मी अधिकारी र देवि अधिकारीले गर्नुभएको थियो ।
