कनकाई अनलाईन
ग्रामिण विकास सेवा समाज कनकाई सुरुङ्गा स्थित नयाँबस्तीले पिता तीर्थ औसीको अवशर पारेर आज ७० बर्षमाथिका १९ जना पिताहरुलाई आज सम्मान गरेको छ ।
समाजले आफ्ना अग्रजहरुको आर्शिवाद लिनका लागि हरेक बर्ष पिता तथा माताहरुको सम्मान गर्दै आएको अध्यक्ष डिल्लीनारायण प्रधानले बताउनुभयो । सम्मान कार्यक्रममा साहित्यकार कोमलप्रसाद पोखरेल , राजनितिकर्मी देउमान थेवे , सम्मानित व्याक्तित्व टिकाप्रसाद तिम्सिना लगायातले समाजले अग्रजको सम्मान गरेर युवा पिढिमा उत्कृष्ट नमुना प्रस्तुत गरेको वताउनुभयो ।
समाजले समाजका अग्रजहरु कृतिमान थेबे , गुणसागर खतिवडा , खेमप्रसाद खतिवडा , ससिधर नेपाल , दलबहादुर राई , बिर्खबहादुर लिम्बु , मनोरथ सेढाई , अग्निप्रसाद खरेल , केशर न्यौपाने , बुद्धिराज तिवारी , तोयानाथ दाहाल, यामप्रसाद लिम्बु,खड्गप्रसाद लिम्बु, दाताराम खरेल, चन्द्रप्रसाद मैनाली, टिकाप्रसाद तिम्सिना, बलराम आचार्य र धनभक्त मगर रहनुभएको समाजका सचिव कुबेर शिवाकोटीले जानकारी दिनुभयो । कार्यक्रममा सहभागिलाई समाजका उपाध्यक्ष दिव्या फुयाँलले स्वागत गर्नुभएको थियो ।
