कनकाई अनलाईन
नेपाल कम्युनिष्ट पार्टी (नेकपा) कनकाई नगर वार्ड नम्बर ३ , वार्ड कमिटीले हालैमात्र बिजयी हुने कनकाई धाम धार्मिक विकास संस्था कोटीहोम र कनकाईघाट समितिका बिजयी उम्मेद्धारहरुलाई विशेष कार्यक्रमका विच बधाई तथा शुभकामना दिएको छ ।
नेकपा वार्ड नम्बर ३ वार्ड कमिटीको आयोजनामा भएको सो कार्यक्रममा कार्यक्रमका प्रमुख अतिथि नेकपाका प्रदेश सदस्य एवम् प्रदेशसभा सांसद हिराकुमार थापाले बिजयी उम्मेद्धारलाई सधै जनताप्रति इमान्दार भएर मतको सदुपयोग गर्न सुझाव दिनुभयो । कार्यक्रममा नेकपा नगर कमिटी सदस्य एवम् कनकाई नगरपालिका उपप्रमुख क . मन्जु दाहाल प्रसाई , नेकपा जिल्ला सदस्य गोपाल प्रसाई , नेकपा नगर अध्यक्ष रविन्द्र लम्साल , नेता ओम पाठक , बिजयी उम्मेद्धार दिनानाथ खतिवडा , सुरुङ्गा खानेपानी तथा सरसफाईका अध्यक्ष प्रेमप्रसाद दाहाल , बिजयी कनकाई धाम धार्मिक विकास संस्थाका अध्यक्ष ः नवलकिशोर दत्त , कनकाई घाट निर्माण समितिका अध्यक्ष . प्रभाखर कड्रिया लगायातले बिजयी पछि जनमतको कदर गर्दै अगाडि बढ्ने प्रतिवद्धता जनाउनुभएको थियो ।
विद्यार्थी नेता तथा पार्टीका वार्ड कमिटी सदस्य नविन सिटौलाले स्वागत गर्नुभएको कार्यक्रममा कार्यक्रमको औचित्यमाथि प्रकाश ः वार्ड कमिटि सदस्य नेत्र आचार्यले पार्नुभएको थियो । कार्यक्रम पार्टीका वार्डअध्यक्ष साजनकुमार लिम्बुको सभापतित्वमा सम्पन्न भएको थियो । कार्यक्रम कनकाई बहुमुखी क्याम्पस सुरुङ्गाको सभाहलमा सम्पन्न भएको थियो ।
