कनकाई अनलाईन
झापा क्षेत्र नम्बर ४ का पुर्व सांसद तथा संविधानसभा सदस्य प्रेमबहादुर गिरीलाई आज सुरुङ्गामा सम्मान गरिएको छ ।
१०९ औ नारी दिवशको अवशर पारेर आयोजित जिल्ला स्तरीय महिला फुटबल प्रतियोगिताको फाईनलका दिन आयोजक संस्था कनकाई खेलकुद प्रतिष्ठानले यस क्षेत्रमा खेल क्षेत्रमा पुर्याएको योगदानको कदर गर्दै सम्मान गरेको हो । गिरीलाई कार्यक्रमका प्रमुख अतिथि कनकाई नगरपालिकाका प्रमुख राजेन्द्रकुमार पोखरेलले सम्मानपत्र सहित सम्मान गर्नुभयो ।
आयोजक समितिका कार्यवाहक अध्यक्ष राजेन्द्र उप्रेतीको सभापतित्वमा आयोजित कार्यक्रमको संचालन सचिव दिनानाथ खतिवडाले गर्नुभएको थियो । माननीय गिरीको पहल कदमीमा कनकाई नगरपालिका ३ स्थित कनकाई माविको खेलमैदान व्यावस्थापन तथा यस क्षेत्रको खेल क्षेत्रमा ठुलो सहयोग मिलेको थियो । गिरीले यस क्षेत्रको खेल क्षेत्रमा पुर्याएको सम्मान गर्दै सम्मान गरिएको कनकाई खेलकुद प्रतिष्ठानका संस्थापक अध्यक्ष ज्योती उप्रेतीले बताउनुभयो ।
